নগাঁও,৪ ডিচেম্বৰ: অসমৰ সত্ৰৰ ভূমি বেদখল (Satra Lands Commission) সন্দৰ্ভত ৰাজ্য চৰকাৰে গঠন কৰা সত্ৰ আয়োগৰ অন্তৱৰ্তীকালীন প্ৰতিবেদনৰ তথ্যত সত্ৰৰ মাটি বেদখলৰ ভয়ংকৰ তথ্য প্ৰকাশ পাইছে । ৰাজ্য চৰকাৰে গঠন কৰা অসম সত্ৰ ভূমি সমস্যা আৰু পৰ্যবেক্ষণ আৰু পৰীক্ষণ আয়োগে অন্তৱৰ্তীকালীন প্ৰতিবেদন শুকুৰবাৰে মুখ্যমন্ত্ৰী হিমন্ত বিশ্ব শৰ্মাক প্ৰদান কৰা হৈছিল (Report on Satra land encroachment) ।
ইয়াৰ পাছতে শনিবাৰে সংবাদ মাধ্যমৰ সন্মুখত নগাঁও সদৰ সমষ্টিৰ বিধায়ক তথা সত্ৰ জৰীপ কমিটিৰ সদস্য ৰূপক শৰ্মাই সকলো তথ্য় দাঙি ধৰে । বিধায়কগৰাকীয়ে উল্লেখ কৰে যে, ৰাজ্যৰ ৩০৩ খন সত্ৰৰ মুঠ ৭৫০৪ বিঘা ভূমি সম্প্ৰতি আছে বেদখলকাৰীৰ কৱলত । কোবাইকটা, বটদ্ৰৱা, ৰামপুৰ, পাটকবৰী সত্ৰৰ ভূমিও বেদখলকাৰীৰ কৱলত বুলি উল্লেখ কৰে বিধায়ক শৰ্মাই ।
উল্লেখ্য যে, ইয়াৰ পূৰ্বে শুকুৰবাৰে এক সংবাদমেলযোগে মুখ্যমন্ত্ৰী হিমন্ত বিশ্ব শৰ্মাই কয় যে, যোৱা বছৰ ২৪ নৱেম্বৰত এই আয়োগ গঠন কৰা হৈছিল । বিধায়ক প্ৰদীপ হাজৰিকা এই আয়োগৰ অধ্যক্ষ আৰু বিধায়ক মৃণাল শইকীয়া আৰু ৰূপক শৰ্মাক সদস্য হিচাপে লৈ অসম সত্ৰ ভূমি সমস্যা আৰু পৰ্যবেক্ষণ আৰু পৰীক্ষণ আয়োগ গঠন কৰা হৈছিল ।
এই আয়োগে যোৱা ডিচেম্বৰৰ পৰা ১২ জিলাৰ ৬২ খন সত্ৰ পৰিভ্ৰমণ কৰে । এই ভ্ৰমণৰ ভিত্তিত এই অন্তৱৰ্তীকালীন প্ৰতিবেদন প্ৰস্তুত কৰা হৈছে (Interim report on Satra land encroachment)। প্ৰতিবেদনত উল্লেখ কৰা মতে ১২ জিলাৰ ৬২ খন সত্ৰৰ ৭৫০৪ বিঘা ৪ কঠা মাটি বেদখলৰ কবলত আছে ।
এই বেদখলকাৰীৰ অধিকাংশ পূৰ্ববংগীয় মূলৰ লোক । এই ১২ খন জিলাৰ ভিতৰত আছে বৰপেটা, ধুবুৰী, গোৱালপাৰা, বঙাইগাঁও, কামৰূপ, মৰিগাঁও, নগাঁও, যোৰহাট, মাজুলী, লখিমপুৰ, ধেমাজি আৰু কৰিমগঞ্জ জিলা । ইয়াৰে বৰপেটা জিলাত থকা সত্ৰত সৰ্বাধিক বেদখল হৈছে । বৰপেটা জিলাত থকা বৰপেটা সত্ৰ, সুন্দৰীদিয়া সত্ৰ আৰু পাটবাউসী সত্ৰকে ধৰি ৭ খন সত্ৰৰ ৫৫৪৫ বিঘা মাটি বেদখল হৈছে (Encroached Satra Land) ।
আনহাতে লখিমপুৰ, নগাঁও, বঙাইগাঁও, ধুবুৰী জিলাত থকা সত্ৰতো ব্যাপক বেদখল হৈছে । মুখ্যমন্ত্ৰী হিমন্ত বিশ্ব শৰ্মাই কয় যে, এয়া অন্তৱৰ্তীকালীন প্ৰতিবেদন । চূড়ান্ত প্ৰতিবেদন লাভ কৰা সকলো তথ্য পৰীক্ষা কৰাৰ পাছত চৰকাৰে উচ্ছেদ অভিযান আৰম্ভ কৰিব ।
চূড়ান্ত প্ৰতিবেদন পোৱাৰ পাছত সকলো ব্যৱস্থা কৰা হ'ব । সত্ৰৰ মাটি বেদখল মুক্ত কৰা হ’ব । এয়া বিজ্ঞানসন্মতভাৱে কৰা হ'ব । চূড়ান্ত প্ৰতিবেদন প্ৰস্তুত কৰাৰ বাবে সত্ৰ আয়োগক ১২০ দিনৰ সময় দিয়া হৈছে ।
লগতে পঢ়ক: Badruddin Ajmal Controversy: বদৰুদ্দিন আজমলক ধুৰন্ধৰ ব্যৱসায়িক ৰাজনীতিবিদ আখ্যা এজেপিৰ
