কলিয়াবৰ, 28 জানুৱাৰী : কলিয়াবৰত গঁড় চিকাৰীৰ বিৰুদ্ধে অব্যাহত থকা ধাৰাবাহিক অভিযানত পুনৰ আটক কৰা হৈছে আন এটা দূধৰ্ষ চোৰাংচিকাৰীক(Rhino Poacher Arrested at Kaliabor) । সম্প্ৰতি চোৰাং চিকাৰীৰ বিৰুদ্ধে অব্যাহত আছে কাজিৰঙা ৰাষ্ট্ৰীয় উদ্যান আৰু ব্যাঘ্ৰ প্ৰকল্প কৰ্তৃপক্ষৰ অভিযান ৷ শেহতীয়াকৈ ৰাষ্ট্ৰীয় উদ্যানখনৰ কলিয়াবৰ মহকুমাৰ অন্তৰ্গত বাগৰিৰ ৱেষ্টাৰ্ণ ৰেঞ্জে অভিযান চলাই গ্ৰেপ্তাৰ কৰে ইছব আলি নামৰ এটা দূধৰ্ষ চোৰাংচিকাৰীক ।
জানিব পৰা মতে ২০১৮ বৰ্ষৰ ডিচেম্বৰ মাহত বাগৰি ৰেঞ্জৰ এলেকাধীন ভলুকাজান বন শিবিৰৰ গড় নিধনৰ সৈতে জড়িত আছিল ধৃত ইছব আলি । ইয়াৰ পিছতে ধৃত ইছব আলিৰ স্বাস্থ্য পৰীক্ষাৰ বাবে উদ্যান কৰ্তৃপক্ষই জখলাবন্ধা হাস্পতাললৈ প্ৰেৰণ কৰে ।
শেহতীয়াকৈ কাজিৰঙা ৰাষ্ট্ৰীয় উদ্যানত চোৰাং চিকাৰীৰ সৈতে জড়িত থকা বিশ্বনাথৰ চগুৰিৰ নিবাসী নবীৰ হুছেইন(32) নামৰ এটা চোৰাং চিকাৰী(Encounter Against Rhino poaching)আৰক্ষীৰ গুলিত আহত হৈছিল । এই চোৰাং চিকাৰীটোক প্ৰতিহত কৰিবলৈ যাওঁতে এজন আৰক্ষী জোৱানো আহত হ'বলগীয়া হৈছিল । আহত আৰক্ষী জোৱানজন আছিল দিব্যজ্যোতি হাজৰিকা ।
উল্লেখযোগ্য যে, ২০ জানুৱাৰীৰ নিশা চোৰাং চিকাৰীয়ে নিধন কৰা খৰ্গবিহীন এটা গড় কাজিৰঙা ৰাষ্ট্ৰীয় উদ্যানত উদ্ধাৰ হৈছিল । এই গড় নিধনৰ সৈতে জড়িত থকাৰ সন্দেহতে ২৩ জানুৱাৰীত বিশ্বনাথৰ পৰা আটক কৰা হৈছিল নবীৰ হুছেইন নামৰ চোৰাং চিকাৰীটোক ।
লগতে পঢ়ক : কাজিৰঙাত এনকাউন্টাৰ : আহত চোৰাং চিকাৰী
