নগাঁও, 28 অক্টোবৰ : সহস্ৰ গুণমুগ্ধক কন্দুৱাই বৃহস্পতিবাৰে ইহলীলা সম্বৰণ কৰিলে মহানায়ক নিপন গোস্বামীয়ে ৷ অভিনেতাগৰাকীৰ লগত বিভিন্ন সময়ত অসমীয়া ছবি জগতত কাম কৰা ভিন্নজনে স্মৰণ কৰিছে স্মৃতি ৷
সমগ্ৰ ৰাজ্যবাসীৰ সমান্তৰালকৈ শোকত ম্ৰিয়মান বিশিষ্ট চলচিত্ৰ পৰিচালক অৰূপ মান্না (Director Arup Manna)। নিপন গোস্বামীৰ সৈতে তিনিখনকৈ ধাৰাবাহিকত জড়িত আছিল অৰূপ মান্না । অৰূপ মান্নাৰ ঘৰলৈ আহি সৰু মাছ খাই ভাল পাইছিল সদ্যপ্ৰয়াত অভিনেতা নিপন গোস্বামীয়ে । এনে বহু স্মৃতি সোঁৱৰণ কৰিলে ছবি পৰিচালক অৰূপ মান্নাই ৷
নিপন গোস্বামীৰ বিয়োগৰ পিছত বহু স্মৃতিয়ে আমনি কৰিছে ছবি পৰিচালক অৰূপ মান্নাক । নিপন গোস্বামীৰ সৈতে থকা স্মৃতিৰ কথা উল্লেখ কৰিবলৈ গৈ ই টি ভি ভাৰতৰ কেমেৰাৰ সন্মুখতেই আৱেগিক হৈ পৰিল অৰূপ মান্না ।
উল্লেখ্য যে, শুকুৰবাৰে ৰাজ্যবাসীক কন্দুৱাই পঞ্চভূতত বিলীন হ’ল নিপন গোস্বামী (Veteran Actor Nipon Goswami dies)৷ শুকুৰবাৰে নৱগ্ৰহ শ্মশানত ৰাজ্যিক মৰ্যাদাৰে শেষকৃত্য সম্পন্ন কৰা হয় অভিনেতাজনৰ ৷ নৱগ্ৰহ শ্মশানত গুনমুগ্ধই শেষ শ্ৰদ্ধাঞ্জলি জনায় অভিনেতাগৰাকীক ৷
অভিনেতাজনক মুখাগ্নি কৰে পুত্ৰ সিদ্ধাৰ্থ গোস্বামীয়ে ৷ মুখাগ্নিত তেওঁক সহযোগ কৰে প্ৰয়াত অভিনেতা গৰাকীৰ বোৱাৰী তথা অভিনেত্ৰী কিংকিনী ভট্টাচাৰ্যই ৷ নৱগ্ৰহ শ্মশানত গুনমুগ্ধই শেষ শ্ৰদ্ধাঞ্জলি জনায় অভিনেতাগৰাকীক (Last tribute to actor Nipon Goswami) ।বৃহস্পতিবাৰে পুৱা গুৱাহাটীৰ নেমকেয়াৰ হাস্পতালত ৮০ বছৰ বয়সত শেষ নিশ্বাস ত্যাগ কৰে মহাতাৰকাজনে ৷
তাৰ পিছতে তেওঁৰ বাসগৃহলৈ লৈ যোৱা হয় নশ্বৰ দেহ । ঘৰত তেওঁক পৰিয়ালবৰ্গ, গুণমুগ্ধই শেষ শ্ৰদ্ধাঞ্জলি জনোৱাৰ পিছতে ৰাজহুৱা শ্ৰদ্ধাঞ্জলিৰ বাবে জ্যোতি চিত্ৰবনত নিশাটো ৰখা হয় ৷ শুকুৰবাৰে পুৱা জ্যোতি চিত্ৰবনৰ পৰা কলাক্ষেত্ৰলৈ লৈ যোৱা হয় নশ্বৰ দেহ ।তাতেই প্ৰিয় শিল্পীগৰাকীক গুণমুগ্ধই শেষ শ্ৰদ্ধাঞ্জলি জনোৱাৰ পিছতে ৰবীন্দ্ৰ ভৱনত শেষ শ্ৰদ্ধাঞ্জলি জনোৱা হয় ৷ তাৰ পিছত দীঘলীপুখুৰীৰ পৰা শ্বহীদ ন্যাসলৈ লৈ যোৱা হয় অভিনেতা নিপন গোস্বামীৰ নশ্বৰ দেহ । তাত শুণমুগ্ধই শিল্পীগৰাকীক শেষ শ্ৰদ্ধাঞ্জলি জনোৱাৰ পিছতে লৈ অহা হয় নৱগ্ৰহ শ্মশানলৈ ।
লগতে পঢ়ক : Neel Pawan Baruah passes away: আজন্ম প্ৰেমিক শিল্পীৰ বিদায়
