মৰিগাঁও, 21 নৱেম্বৰঃ শনিবাৰে মৰিগাঁৱত অনুষ্ঠিত কৰা হয় এদিনীয়া দন্ত আৰু মুখ-স্বাস্থ্য প্ৰশিক্ষণ শিবিৰ ৷ মৰিগাঁৱৰ ৰাষ্ট্ৰীয় মুখ-স্বাস্থ্য আঁচনি আৰু জিলা স্বাস্থ্য সমিতিৰ উদ্যোগত আৰু মুখ্য স্বাস্থ্য বিষয়া ডাঃ প্ৰদীপ সৰকাৰৰ সহযোগত প্ৰায় অৰ্ধ শতাধিক এম পি ডব্লিউক প্ৰদান কৰা হয় এই প্ৰশিক্ষণ ৷
মৰিগাঁও পবিতৰাহাট প্ৰেক্ষাগৃহত অনুষ্ঠিত হোৱা এই প্ৰশিক্ষণ শিবিৰত দাঁত আৰু মুখৰ স্বাস্থ্য, ইয়াৰ যতন তথা ৰোগৰ লক্ষণৰ বিষয়ে ব্যাখ্যা আগবঢ়ায় অসম ৰাজ্যিক নডেল চিকিৎসক বিষয়া ডাঃ ৰুবী বৰকটকীয়ে ৷ সমান্তৰালকৈ অমৰজ্যোতি ডেকায়ো এম পি ডব্লিউ তথা চিকিৎসাকৰ্মীসকলক মুখৰ স্বাস্থ্য সন্দৰ্ভত বিস্তৃতভাৱে বাখ্যা কৰে ৷
