মচলাৰ ৰজা বুলি জনাজাত লং সোৱাদৰ বাবে বিভিন্ন ব্যঞ্জনত দৈনিক ব্যৱহাৰ কৰা হয় । আমিষ ব্যঞ্জনতো লং দিয়াটো বাঞ্চনীয় ! যদি আপুনি প্ৰতিদিনে পুষ্টিৰে সমৃদ্ধ লং খাই তেন্তে আপোনাৰ শৰীৰৰ কি হয় আপুনি জানেনে ?
দৈনন্দিন লং চোবাই খোৱাৰ স্বাস্থ্য উপকাৰিতা: প্ৰতিটো পাকঘৰতে থকা এটা প্ৰয়োজনীয় মচলা হৈছে লং ৷ এই লঙে কেৱল ব্যঞ্জনক ভাল সোৱাদ আৰু সুগন্ধিয়েই প্ৰদান নকৰে, লগতে আমাক প্ৰয়োজন হোৱা বহুতো পুষ্টি প্ৰদান কৰি আমাক স্বাস্থ্যৱান কৰি ৰখাত সহায় কৰে । পিছে লং আমি কেৱল মাজে মাজেহে খাওঁ ৷ কিন্তু..আপুনি জানেনে যদি আপুনি দৈনিক ঔষধি গুণ থকা লং খায় তেন্তে কি হ'ব ?
কেন্সাৰৰ সম্ভাৱনা হ্ৰাস কৰে: বিশেষজ্ঞসকলে কয় দৈনন্দিন খাদ্যত লং যোগ কৰিলে ই ফ্লেভন’ইড: আৰু ইছফ্লেভনেছৰ দৰে এন্টিঅক্সিডেণ্টে ফ্ৰী ৰেডিকেল হ্ৰাস কৰাত সহায় কৰে । ফলত ইহঁতে কোষৰ ক্ষতি ৰোধ কৰে আৰু হৃদৰোগ, কেন্সাৰ আৰু যকৃতৰ সমস্যাৰ দৰে দীৰ্ঘদিনীয়া ৰোগৰ সম্ভাৱনা হ্ৰাস কৰে ।
হাড়ৰ স্বাস্থ্য উন্নত কৰে: লঙত প্ৰচুৰ পৰিমাণে থকা মেংগানিজ আৰু ফ্লেভন’ইডে হাড়ৰ ঘনত্ব বজাই ৰখাত সহায় কৰে । এই যৌগবোৰে হাড়ৰ কলা মেৰামতিতো সহায় কৰে বুলি কোৱা হয় । ফলত ই হাড়ৰ বিভিন্ন সমস্যাৰ পৰা সকাহ দিয়ে ।
ৰোগ প্ৰতিৰোধ ক্ষমতা বৃদ্ধি কৰে: বিশেষজ্ঞসকলে কয় যে দৈনিক লং খোৱাটোৱে ৰোগ প্ৰতিৰোধ ক্ষমতা বৃদ্ধি কৰাত সহায় কৰিব পাৰে । ‘জাৰ্ণেল অৱ্ ফুড এণ্ড ড্ৰাগ এনালাইছিছ’ত প্ৰকাশিত এক অধ্যয়ন অনুসৰি লঙত থকা উপাদানসমূহে আপোনাৰ ৰোগ প্ৰতিৰোধ ক্ষমতা বৃদ্ধি কৰাত সহায় কৰে । লগতে ইয়াৰ এন্টি ভাইৰেল গুণে তেজত থকা বিষাক্ত পদাৰ্থৰ মাত্ৰা হ্ৰাস কৰাত সহায় কৰে ।
হজম শক্তি উন্নত কৰে: বিশেষজ্ঞসকলে কয় যে পেটৰ সমস্যাৰ পৰা পৰিত্ৰাণ পাবলৈ লঙক ঘৰুৱা ঔষধ হিচাপে ব্যৱহাৰ কৰিব পাৰি । ইয়াত থকা পুষ্টিকৰ পদাৰ্থই হজম শক্তি আৰু অন্ত্ৰৰ স্বাস্থ্য উন্নত কৰে । ইয়াৰ উপৰিও পাচন এনজাইমৰ উৎপাদনো বৃদ্ধি কৰে । ফলত পেট ফুলা, গেছ আৰু বদহজম আদি বিভিন্ন পাচন সমস্যা কম হ’ব পাৰে বুলি বিশেষজ্ঞসকলে জানিবলৈ দিয়ে ।
দাঁতৰ স্বাস্থ্যৰ বাবে উপকাৰী: লং ত প্ৰচুৰ পৰিমাণে এন্টি-জিনজিভিটি, এন্টি-প্লেক আৰু এন্টি-মাইক্ৰ’বিয়াল গুণ থাকে । আছৰা ছুপাৰ স্পেচিয়েলিটী হাস্পতালৰ ডাঃ জগদীশ জে হিৰেমাথে কয় যে এইবোৰ দাঁত সুস্থ কৰি ৰখাত অতি সহায়ক । ইহঁতে কেৱল মুখত থকা অণুজীৱক ৰোধ কৰাত সহায় কৰাই নহয়, সংক্ৰমণ, প্ৰদাহ আৰু দাঁতৰ আলুৰ বিষৰ পৰাও সকাহ দিয়ে । পুৰুষৰ মুখৰ দুৰ্গন্ধ আৰু পিৰিয়ডন্টাইটিছ প্ৰতিৰোধৰ বাবে লঙে অতি ভাল কাম কৰে ।
সংক্ৰমণৰ পৰা সকাহ: নিয়মীয়াকৈ লং খালে ফ্লু, চৰ্দি, ব্ৰংকাইটিছ, চাইনাছৰ সমস্যা আৰু ভাইৰেল সংক্ৰমণৰ দৰে ৰোগৰ আশংকা হ্ৰাস হয় বুলি ডাঃ জগদীশে কয় । লঙত এনে যৌগও থাকে যি ৰক্ত শৰ্কৰাৰ স্তৰ নিয়ন্ত্ৰণ কৰাত সহায় কৰে ।
দৈনিক লং খোৱাৰ উপকাৰিতা আছে বুলিয়ে মাত্ৰাধিক লং খাব নালাগে ৷ বিশেষজ্ঞসকলৰ মতে, দৈনিক এটাৰ পৰা দুটা লঙহে খাব লাগে ৷ চাহ নতুবা খাদ্যৰ লগত লং মিহলাই সোৱাদ আৰু স্বাস্থ্য উপকাৰিতা লাভ কৰিব পাৰি ।
অত্যধিক লং খোৱাৰ বিপদ : দৈনিক লং সেৱনৰ ফলত স্বাস্থ্য উপকাৰিতা থকা সত্ত্বেও ডাঃ হিৰেমাথে সকীয়াই দিছে যে অত্যধিক লং সেৱনে যকৃতৰ ক্ষতি কৰিব পাৰে । যকৃতৰ সমস্যা থকা লোকসকল সাৱধান হ’ব লাগে । লগতে.. গৰ্ভৱতী মহিলা আৰু ব্লাড থিনাৰ সেৱন কৰা সকলে সাৱধানে লং খাব লাগে বুলি ডাঃ হিৰেমাথে কয় ।
বি:দ্ৰ: এই ৱেবছাইটত আপোনাক দিয়া সকলো স্বাস্থ্য সম্পৰ্কীয় টিপছ কেৱল তথ্যৰ বাবেহে । আমি কেৱল বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰীৰ পৰামৰ্শৰ ভিত্তিতহে এইখিনি প্ৰদান কৰিছো । চিকিৎসকৰ পৰা উপযুক্ত পৰামৰ্শ লোৱাটো অৱশ্যেই জৰুৰী ।
লগতে পঢ়ক : এবাৰ খাদ্য ৰন্ধা তেল পুনৰ ব্যৱহাৰ কৰিলে কি হয় ? - DISADVANTAGES OF REUSE OIL
