ৰঙিয়া, 7 ছেপ্তেম্বৰ : ৰঙিয়া মহকুমা কল্যাণ বিষয়াৰ কাৰ্যালয়ত(Rangia Sub-Division Welfare Office) কৰ্মচাৰীৰ বিৰুদ্ধে উত্থাপন হৈছে মইমতালিৰ অভিযোগ ৷ অভিযোগ অনুসৰি, খেয়াল-খুচি মতেহে কাৰ্যালয়লৈ আহে একাংশ চৰকাৰী কৰ্মচাৰী ৷
সোমবাৰে কাৰ্যালয়টোত দিনৰ 11 বজালৈ উপস্থিত হোৱা দেখা নগ’ল এজনো কৰ্মচাৰীক ৷ সময়মতে কাৰ্যালয়লৈ কৰ্মচাৰী নহাৰ বাবে বাহিৰতে অপেক্ষা কৰিবলগীয়া হৈছে ৰাইজে ৷ নিজৰ কৰ্মৰ প্ৰতি এইসকল কৰ্মচাৰী কিমান আগ্ৰহী, সেয়া এই অভিযোগৰ দ্বাৰা বুজিব পাৰি ৷
চৰকাৰী কৰ্মচাৰীৰ বিৰুদ্ধে মইমতালিৰ অভিযোগ
চৰকাৰে যিমানেই কৰ্মচাৰীসকলক সঠিক কামৰ বাবে নিৰ্দেশ প্ৰদান নকৰক বা যিমানেই কঠোৰ পদক্ষেপ নলওক কিয়, তাৰ প্ৰতি যেন কোনো ভ্ৰূক্ষেপ নাই একাংশ চৰকাৰী কৰ্মচাৰীৰ । নিজৰ কৰ্মৰ কথা কোৱা কৰ্মচাৰী পৰিষদে এইসকল কৰ্মচাৰীৰ বিষয়ে কি ক’ব ? চৰকাৰ কঠোৰ হ’ব নে এইসকল কৰ্মচাৰীক নাকী লগোৱাৰ ক্ষেত্ৰত ?
