গুৱাহাটী, ৯ অক্টোবৰ: কংগ্ৰেছ সাংসদ আব্দুল খালেকেৰ পাছত এইবাৰ কংগ্ৰেছৰ সকলো বিষয়বাব এৰিলে জ্যেষ্ঠ কংগ্ৰেছ নেতা তথা চামগুৰিৰ বিধায়ক ৰকিবুল হুছেইনে (Congress MP Abdul Khalek resign) । দেওবাৰে এই কথা জনায় প্ৰাক্তন মন্ত্ৰী তথা বৰ্তমানৰ বিধায়কগৰাকীয়ে । অৱশ্যে সকলো বিষয়বাব এৰাৰ মূলতে হৈছে সভাপতি নিৰ্বাচন ।
জাতীয় কংগ্ৰেছৰ সভাপতি পদৰ প্ৰাৰ্থী মল্লিকাৰ্জুন খাৰ্গেৰ হৈ নিৰ্বাচনী প্ৰচাৰ চলাবলৈ দলৰ সকলো পদবীৰ পৰা অব্যাহতি লৈছে জ্যেষ্ঠ নেতাগৰাকীয়ে (Rakibul hussain resign from all party posts) । এই সন্দৰ্ভত আজি হুছেইনে প্ৰদেশ কংগ্ৰেছৰ সভাপতিলৈ পত্ৰ প্ৰেৰণ কৰে ।
ভাৰতীয় জাতীয় কংগ্ৰেছৰ নিৰ্বাচনী অধিসূচনা অনুসৰি তেওঁ অসম প্ৰদেশ কংগ্ৰেছৰ সকলো পদবীৰ পৰা পদত্যাগ কৰা বুলি প্ৰকাশ কৰে (Assam Pradesh Congress) ৷
উল্লেখ্য যে, আজি জাতীয় কংগ্ৰেছৰ সভাপতি পদৰ প্ৰাৰ্থী মল্লিকাৰ্জুন খাৰ্গে জম্মু-কাশ্মীৰলৈ গৈছে ৷
লগতে পঢ়ক: Abdul Khalek resign: কংগ্ৰেছৰ সকলো বিষয়বাব এৰিলে সাংসদ আব্দুল খালেকে
