হোজাই,1 আগষ্টঃ সমগ্ৰ ৰাজ্যৰ সমান্তৰালভাৱে হোজাই জিলাটো অব্যাহত আছে সাপ্তাহিক লক ডাউন ৷ শনিবাৰে জিলাখনৰ প্ৰত্যেকটো প্ৰান্ততে সকলো দোকান পোহাৰ বন্ধ থকাৰ লগতে জনসাধাৰণেও মানি চলিছে লক ডাউনৰ নিয়ম-নীতি ৷
আনহাতে , বিগত দিন কেইটাত জিলাখনত কেইবাজনে আৰক্ষী বিষয়া তথা স্বাস্থ্য কৰ্মীৰ দেহত কোভিড 19 পজিটিভ পোৱাৰ পাছতেই জিলাখনত ক’ৰণা ভাইৰাছৰ গণ সংক্ৰমণৰ আশংকা কৰা হৈছে ৷ উল্লেখযোগ্য যে,জিলাখনত বিগত কিছুদিনৰ পৰা অস্বাভাৱিক গতিত বৃদ্ধি পাইছে কোভিড 19ত আক্ৰান্ত ৰোগীৰ সংখ্যা ৷ ট্ৰেভেল হিষ্ট্ৰী নথকা বহু কেইজন লোকৰ শৰীৰত ইতিমধ্যে ক’ৰণা ভাইৰাছৰ অৱস্থিতি লাভ কৰা গৈছে ৷ লংকা চহৰৰ আৰক্ষী চকীত 3 গৰাকী মহিলা আৰক্ষীৰ দেহত কোভিড 19ৰ অৱস্থিতি লাভ কৰাৰ পাছতেই সম্প্ৰতি কনটেইনমেণ্ট য’ন হিচাপে ঘোষণা কৰা হৈছে লংকা আৰক্ষী চকীৰ চৌহদ ৷
লগতে পঢ়কঃ বিজেপি সমৰ্থকক ঘৰত সোমাই ভাবুকি দুৰ্বৃত্তৰ
