গুৱাহাটী, 21 এপ্ৰিলঃ তৃতীয় পৰ্যায়ৰ নিৰ্বাচনৰ বাবে সম্পূৰ্ণৰূপে সাজু হৈছে কামৰূপ মহানগৰ জিলা প্ৰশাসন ৷ অহা 23 এপ্ৰিলত অনুষ্ঠিত হ'বলগীয়া তৃতীয় পৰ্যায়ৰ নিৰ্বাচনক লৈ জিলা প্ৰশাসনে জাৰী কৰিছে নিষেধাজ্ঞা ৷
সেই অনুসৰি, দেওবাৰে বিয়লি 5 বজাৰ পৰা 23 এপ্ৰিল অৰ্থাৎ মঙলবাৰে বিয়লি 5 বজালৈ জিলা প্ৰশাসনে ঘোষণা কৰিছে ড্ৰাই ডে ৷ এই সময়ছোৱাত সুৰাৰ বিপনী, বাৰ, ক্লাৱ আদিৰ লগতে বণ্ডেদ ৱেৰহাউচসমূহো বন্ধ ৰখাৰ নিৰ্দেশ দিছে জিলা প্ৰশাসনে ৷ এই নিয়ম অমান্য কৰিলে কঠোৰ শাস্তিমূলক ব্যৱস্থা গ্ৰহণ কৰিব প্ৰশাসনে ৷ নিৰ্বাচনৰ প্ৰাকক্ষণত যাতে কোনোধৰণৰ অপ্ৰীতিকৰ পৰিস্থিতিৰ উদ্ভৱ নহয় তাৰ বাবেই জিলা প্ৰশাসনে এইদৰে কঠোৰ নিৰ্দেশনা জাৰী কৰিছে ৷
