5 বজাৰ শীৰ্ষ 10 টা বাতৰি

DC-SP meet at Staff College: প্ৰশাসনীয় পদাধিকাৰী মহাবিদ্যালয়ত উপায়ুক্ত-আৰক্ষী অধীক্ষকৰ সন্মিলন

অসম প্ৰশাসনীয় পদাধিকাৰী মহাবিদ্যালয়ত উপায়ুক্ত আৰু আৰক্ষী অধীক্ষক সন্মিলন । উপস্থিত থাকে মুখ্যমন্ত্ৰী ড৹ হিমন্ত বিশ্ব শৰ্মা, মন্ত্ৰী যোগেন মহন, আৰক্ষী সঞ্চালক প্ৰধান ভাস্কৰজ্যোতি মহন্ত (DC and SP meet at Staff college)।

গুৱাহাটীত আয়কৰ বিভাগৰ অভিযান (IT Department raid in Guwahati) ৷ ব্যৱসায়ী, ঠিকাদাৰ নৃপেন দাসৰ গুৱাহাটী আৰু দিল্লীৰ বাসগৃহত চলিছে এই অভিযান ৷

তেজপুৰ চিকিৎসা মহাবিদ্যালয়ত জালিয়াতিৰে চাকৰি লাভ কৰা ৫ জনক নিলম্বন (5 employees suspended from Tezpur MCH) । ভুৱা তথ্যৰে নিযুক্তি লাভ কৰাৰ বাবে নিলম্বন কৰে চিকিৎসা মহাবিদ্যালয় কৰ্তৃপক্ষই ।

কাৰ্বি আংলং জিলাত মাইক্ৰ’ফাইনেন্সৰ চেক বিতৰণ কাৰ্যসূচীত মন্ত্ৰী যোগেন মহন ৷ কাৰ্বি আংলং জিলা প্ৰশাসনৰ উদ্যোগত ডিফুৰ লাংকুং হাবেত(টাউন হলত) আয়োজন কৰা হয় চেক বিতৰণ কাৰ্যসূচীৰ (Cheques Distribution under microfinance loan waiver scheme)। ৪২৮ গৰাকী মহিলালৈ কাৰ্যসূচীত চেক বিতৰণ কৰা হয় ।

৭৯ বছৰত পদাৰ্পন কৰিলে প্ৰবীন অভিনেতা,পৰিচালক তথা নাট্যকাৰ ঐশ্বৰ্য কাকতিয়ে (Playwright Aishwarya Kakati)। এই জন্মদিনটোত কাকতিৰ ৰচনা আৰু পৰিচালনাৰে ইউনাইটেড আৰ্টিষ্টৰ দ্বাৰা ড৹ ভূপেন হাজৰিকা কলাভূমিত পৰিৱেশন কৰা হ'ব "ছ হাত মাথোঁ "।

জোনাইত সদৌ অসম গ্ৰাম্য ঔষধ ব্যৱসায়ী সংস্থাৰ কেন্দ্ৰীয় প্ৰতিষ্ঠা দিৱসৰ সফল সামৰণি(All Assam Rural Pharmaceutical Traders Association) ৷ গায়ন-বায়ন আৰু বিভিন্ন জনগোষ্ঠীয় নৃত্যৰে মুখৰিত জোনাই ৷ স্মৃতিগ্ৰন্থ মূৰ্কংচেলেক উন্মোচন কৰে মৰিঢল মহাবিদ্যালয়ৰ সহ অধ্যাপক প্ৰদীপ বৰাই । সমস্যাৰ সমাধান বিচাৰি মুখ্যমন্ত্ৰী হিমন্ত বিশ্ব শৰ্মাক সাক্ষাতৰ বাবে সিদ্ধান্ত গ্ৰহণ ৷

শিশুৰ মানসিক চিন্তাধাৰাৰ কথা বিবেচনা কৰিয়ে গোৱালপাৰাৰ প্ৰতিখন থানাতে স্থাপন কৰা হৈছে শিশু মিত্ৰ কক্ষ (Children Friendly Room in Goalpara)। বিশেষ কোঠাবোৰ শিশুসুলভভাৱে নিৰ্মাণ কৰা হৈছে । বেৰত অংকন কৰা হৈছে বিভিন্ন ধৰণৰ ছবি । খেলৰ সামগ্ৰীও আছে কোঠাবোৰত ।

বৰপেটা সত্ৰৰ সদ্যপ্ৰয়াত বুঢ়াসত্ৰীয়া বশিষ্ঠদেৱ শৰ্মাৰ বাসগৃহত বুধবাৰে উপস্থিত হয় ৰাজ্যৰ কৃষিমন্ত্ৰী অতুল বৰা (Minister Atul Bora) ৷ বশিষ্ঠ দেৱশৰ্মাৰ বাসগৃহত উপস্থিত হৈ বশিষ্ঠ দেৱশৰ্মাৰ প্ৰতিচ্ছৱিত পুস্পাঞ্জলি প্ৰদানেৰে সত্ৰীয়া সাধক গৰাকীক শ্ৰদ্ধাঞ্জলি জনায় মন্ত্ৰীগৰাকীয়ে ৷

নলবাৰীত নতুনকৈ ১৭ খন সুৰাৰ বিপণী মুকলি কৰাৰ সিদ্ধান্ত লৈছে চৰকাৰে (New wine shop in Nalbari)! ইতিমধ্যে বিভিন্ন মহলত প্ৰতিক্ৰিয়াৰ সৃষ্টি হৈছে । আছু আৰু অসম জাতীয়তাবাদী যুৱ ছাত্ৰ পৰিষদৰ লগতে বিভিন্ন সংগঠনে চৰকাৰক তীব্ৰ সমালোচনা কৰিছে ।

পুৱা কাজিৰঙা ৰাষ্ট্ৰীয় উদ্যানত মুকলি হ'ল হাতী ছাফাৰী (Elephant Safari opened in Kaziranga National Park)। বন সংমণ্ডল বিষয়া ৰমেশ কুমাৰ গগৈয়ে আনুষ্ঠানিকভাৱে পৰ্যটকৰ বাবে মুকলি কৰে হাতী ছাফাৰী । কহঁৰা বনাঞ্চলত ১০ টা বিভাগীয় হাতীৰে আৰু বাগৰি বনাঞ্চলত ২৫ টা ব্যক্তিগত হাতীৰে প্ৰাথমিক পৰ্যায়ত মুকলি কৰা হৈছে হাতী ছাফাৰী ।