জনীয়া, ১৩ মাৰ্চ: ৰাজ্যৰ মুখ্যমন্ত্ৰী হিমন্ত বিশ্ব শৰ্মাই নিৰ্বাচনী প্ৰচাৰৰ সময়ত মাইক্ৰ' ফাইনেন্সৰ পৰা ঋণ লোৱা ব্যক্তি সকলক ঋণ মাফ কৰি দিয়াৰ প্ৰতিশ্ৰতি ঘোষণা কৰিছিল(Assam Micro Finance Incentive and Relief Scheme) । সেইমৰ্মে বৰপেটা জিলাৰ প্ৰায় ৩৮০০০ হিতাধিকাৰি যিসকল হিতাাধিকাৰীয়ে ইতিমধ্যেই লোণৰ কিস্তি পৰিশোধ কৰিছিল তেওঁলোকলৈ চেক প্ৰদানৰ ব্যৱস্থা কৰে ।
দেওবাৰে বৰপেটা জিলাৰ জনীয়া সমষ্টিৰ অন্তৰ্গত ৰূপসী উন্নয়ন খণ্ডৰ কাৰ্যালয় কলগাচিয়াত ৩১৭৮ গৰাকী হিতাধিকাৰিক উদ্গনিমূলক সাহায্যৰ চেক প্ৰদান কৰা হয় ৷ ৰাজিবুল ইছলামে আঁত ধৰা অনুষ্ঠিতটিত উদ্দেশ্যে বাখ্যা কৰে গ্ৰাম সেৱক ৰাতুল কুমাৰ দাসে ।
খণ্ড উন্নয়ন বিষয়া নৱৰত্ন পাটোৱাৰীয়ে আদৰণি ভাষণ দিয়া অনুষ্ঠানটিৰ শুভ উদ্বোধন কৰে বৰপেটা জিলাৰ উপায়ুক্ত তেজ প্ৰসাদ ভূচালে । লগতে অনুষ্ঠানটোত অতিথি হিচাপে উপস্থিত থাকে বৰপেটা অসামৰিক চিকিৎসালয়ৰ অধীক্ষক ডাঃ হাসমত আলী, বৰপেটা জিলা পৰিষদ উপ সভাপতি সামচুল হক, শিক্ষা বিষয়া প্ৰদীপ দাস অতিথি হিচাপে উপস্থিত থাকে ।
উল্লেখ্য যে, দেওবাৰৰ অনুষ্ঠানত বন্ধন বেংকসহ প্ৰায় ৮ টা বিভিন্ন স্মল ফাইনেন্সৰ অধীনত ঋণ লৈ নিয়মিতভাৱে কিস্তি পৰিশোধ কৰি থকা মহিলাক চেক প্ৰদান কৰা হয় । চেক হাতত লৈ সুখী হোৱাৰ লগতে অসম চৰকাৰক ধন্যবাদ জ্ঞাপন কৰে হিতাধিকাৰীসকলে ।
লগতে পঢ়ক: খেলি থাকোতেই গ্ৰেণেড ফুটি আহত শিশু
