স্পৰ্টছ ডেস্ক,20 নৱেম্বৰঃ আই এচ এলৰ যোৱাটো সংস্কৰণৰ ফাইনেলত যেতিয়া এটিকে(ATK)ই চেন্নাইয়ান এফ চিক পৰাস্ত কৰিছিল সেইয়া ক’ভিড 19 মহামাৰী সাধাৰণ জনতাৰ বাবে ভয়ংকৰ বাস্তৱত পৰিণত হোৱাৰ আৰম্ভণি আছিল ৷ বন্ধ দুৱাৰৰ মাজত খেলা এই খেলখন সাধাৰণ জীৱন প্ৰণালী সম্পূৰ্ণৰূপে বন্ধ হোৱাৰ পূৰ্বে খেলা অন্তিমখন খেল আছিল ৷
আঠ মাহৰ অন্তত, আই এচ এল পুনৰ সাধাৰণ ৰাইজৰ মাজলৈ উভতি আহিছে ৷ আজিৰে পৰা গোৱাত আৰম্ভ হ’বলগীয়া টুৰ্ণামেন্টখনৰ প্ৰথমখন মেছতে এ টি কে মোহনবাগানৰ বিপৰীতে খেলপথাৰত অৱতীৰ্ণ হ’ব কেৰালা ব্লাষ্টাৰ্ছ ৷ পুনৰবাৰ খেল উপভোগৰ বাবে পথাৰত নাথাকিব কোনো দৰ্শক ৷ ইয়াৰ বিপৰীতে বায়’ সুৰক্ষিত বাবলৰ ভিতৰতে গোৱাত খেলপথাৰত অৱতীৰ্ণ হ’ব দলসমূহ ৷
চলিত সংস্কৰণত আই এচ এলত কেৱল এয়াই সালসলনি ঘটা নাই ৷ নৱাগতসকলৰ বাবে 2020-21 বৰ্ষৰ আই এচ এল এতিয়ালৈ আয়োজন কৰা আটাইটকৈ ডাঙৰ সংস্কৰণ ৷ চলিত বৰ্ষত আই এচ এলত অন্তৰ্ভূক্ত হৈছে এটা নতুন দল ৷ এছ চি ইষ্ট বেংগল দলৰ অন্তৰ্ভূক্তিয়ে চলিত বৰ্ষত দলৰ সংখ্যা 11 টালৈ বৃদ্ধি কৰি খেলৰ সংখ্যা 115 খনলৈ বৃদ্ধি কৰিছে ৷
ইষ্ট বেংগলৰ অন্তৰ্ভূক্তিয়ে আৰু এ টি কেৰ মোহন বাগানৰ সৈতে একত্ৰিকৰণে আই এচ এলত ভাৰতীয় ফুটবলৰ দুটি পুৰণি দলক সমুখ সমৰত উপনীত কৰিব ৷ আই এচ এলৰ বহু প্ৰতিক্ষীত কলকাতা ডাৰ্বী 27 নৱেম্বৰৰ পৰা আৰম্ভ হ’ব ৷
এইবেলি অনুৰাগীসকলে টিভিৰ পৰ্দাত কেইবাগৰাকীয়ে আকৰ্ষণীয় নতুন তাৰকাক দেখিবলৈ পাব ৷ থাকিব প্ৰাক্তন ষ্ট্ৰাইকাৰ আডাম লে ফণ্ডাৰ, নিউকেছেল ইউনাইটেডৰ প্ৰাক্তন ডিফেণ্ডাৰ ষ্টিফেন টেইলৰ ৷ ইয়াৰ উপৰিও চলিত বৰ্ষৰ বাবে জামছেদপুৰ এফ চিত অন্তৰ্ভূক্ত হৈছে নেৰিজাছ ভেলকিছ আনহাতে, এ টি কে মোহন বাগানত অন্তৰ্ভক্ত হৈছে সন্দেশ ঝিংগান ৷
চলিত বৰ্গত গোৱাৰ ফাটোৰডাৰ জৱাহৰলাল নেহৰু ষ্টেডিয়াম, বেম্বলিমৰ জি এম চি ষ্টেডিয়ান আৰু ভেক্স’ৰ তিলক মৈদানত অনুষ্ঠিত হ’ব খেলসমূহ ৷ আনহাতে, ‘ফেন ৱাল’ ধৰণাৰে ষ্টেডিয়ামৰ দুখনকৈ ডাঙৰ LED স্ক্ৰীণত ঘৰত থকা তথা বাহিৰৰো অনুৰাগীসকলক তেঁওলোকৰ মনপচন্দৰ দলক সমৰ্থন কৰা দেখিবলৈ পোৱা যাব ৷
লগতে পঢ়ক-আন্তৰাষ্ট্ৰীয় ক্ৰিকেটৰ ন্যূনতম বয়সৰ সীমা 15 বছৰ : আইচিচি
