মাজুলী, 16 নৱেম্বৰঃ আপুনি বাৰু সংগীত প্ৰেমী নেকি ! অথবা আপুনি পশ্চিমীয়া দেশৰ দৰে কিম্বা শ্বিলঙত অনুষ্ঠিত হোৱা NH 7 দৰে সংগীত উপভোগ কৰি ভাল পায় নেকি ! তেন্তে এতিয়াৰে পৰা আপুনি অন্য ক'তো যোৱাৰ প্ৰয়োজন নাই ৷ কাৰণ সত্ৰীয়া সংস্কৃতিৰ প্ৰাণ কেন্দ্ৰ মাজুলীত তিনিদিনীয়া কাৰ্যসূচীৰে আৰম্ভ হৈছে মাজুলী মিউজিক ফেষ্টিভেল ৷ নদীদ্বীপ মাজুলিৰ গ্ৰাম্য পৰ্যটন, আৰ্থ সামাজিক, আৰু সাংস্কৃতিক ক্ষেত্ৰত সৰ্বাংগীন উন্নয়নৰ বাবে ১৫ পৰা ১৭ নৱেম্বৰলৈ চলিব এই মিউজিক ফেষ্টিভেল ৷
মূলতঃ মাজুলিবাসীৰ জীৱন প্ৰণালী, আৰ্থ সামাজিক আৰু সাংস্কৃতিক বৈচিত্ৰাক মিউজিক ফেষ্টিভেলৰ জৰিয়তে দাঙি ধৰাৰ প্ৰয়াস কৰা হৈছে ৷ মিউজিক ফেষ্টিভেলৰ অনুষ্ঠিত হোৱাৰ পূৰ্বেই শুকুৰবাৰে মাজুলীত এক সাংস্কৃতিক শোভাযাত্ৰা উলিওৱা হয় ৷ সাংস্কৃতিক শোভাযাত্ৰাটোৰ শুভ উদ্বোধন কৰে শ্ৰী শ্ৰী দক্ষিণপাট সত্ৰৰ সত্ৰাধীকাৰ জনাৰ্দন দেৱ গোস্বামীয়ে ৷
লগতে পঢ়োকঃবজালীৰ ৰাসথলীত টীম প্ৰতিঘাত
শুকুৰবাৰৰ পৰা অনুষ্ঠিত হোৱা এই মিউজিক ফেষ্টিভেলৰ শুভ উদ্বোধনী অনুষ্ঠানত উপস্থিত থাকে পদ্মশ্ৰী যাদৱ পায়েং ৷
আন্তঃৰাষ্টীয় শিল্পী গুৰু ৰেৱেন মাচাংগা, কল্যান বৰুৱা, যতীন শৰ্মা , নিলোৎপল বৰা, গল্ডী সোহেল, সুৰেশ যোশী, শংকুৰাজ প্ৰডাক্ট বাৰ্তালাপ, অভি শইকীয়া, বায়' এণ্ড মিৰি ব্ৰেণ্ড ,আইলেণ্ড ৱাৰিয়ৰ, এলব' নাগা, কাল্টিভেটৰচ, অভিলাস চৌধুৰী , ইষ্টাৰ্ণ ঢোল প্লেয়াৰচ , ৰেইন ইন চাহাৰা, মনিৰাজ হাজৰিকাকে ধৰি বহুতো জনপ্ৰিয় শিল্পী তথা বেণ্ডে পৰিৱেশন কৰিব সংগীত ৷ সম্পূৰ্ণ প্ৰাকৃতিক বাতাবৰণৰ মাজত টম্বুৰ তলত পৰ্যটকসকলৰ নৈশ যাপনৰ বাবে ব্যৱস্থা কৰাৰ লগতে স্থানীয় জনজাতীয় খাদ্য সম্ভাৰ , নৌকা বিহাৰৰ দৰে আকৰ্ষনীয় অনুষ্ঠানো প্ৰদৰ্শিত হৈছে মিউজিক ফেষ্টিভেলত ৷
