চিটাৰা ডেস্ক, ২৫ ডিচেম্বৰ: দেওবাৰে সন্ধিয়া ভগ্নী অৰ্পিতাৰ ঘৰত মেকআপ আৰ্টিষ্ট শূৰা খানৰ সৈতে দ্বিতীয়বাৰৰ বাবে বিবাহপাশত আবদ্ধ হয় অৰবাজ খান । অভিনেতাগৰাকীৰ জ্যেষ্ঠ ভাতৃ ছলমান খানকে ধৰি সমগ্ৰ পৰিয়ালটোৱে অৰবাজ আৰু শূৰাৰ বিয়াত অংশগ্ৰহণ কৰে । এতিয়া অৰবাজৰ বিয়াৰ বহু ভিডিঅ’ ছচিয়েল মিডিয়াত ভাইৰেল হৈ পৰিছে । তেনে এটা ভিডিঅ’ত ছলমান খানক ভাতৃৰ বিয়াত নৃত্য কৰি থকা দেখা গৈছে ।
ভাতৃ অৰবাজৰ দ্বিতীয় বিয়াত নৃত্য ছলমান খানৰ
পৰিয়ালবৰ্গ আৰু ঘনিষ্ঠ লোকৰ উপস্থিতিত প্ৰেয়সী শূৰাৰ সৈতে বিবাহপাশত আৱদ্ধ হয় অৰবাজ খান । অভিনেতাজনৰ এই সুখৰ ক্ষণত তেওঁৰ সমগ্ৰ পৰিয়ালে অংশগ্ৰহণ কৰে । এই সময়চোৱাত ছলমান খানো উপস্থিত থাকে । ৰূপালী ৰঙৰ পাঠানী কুৰ্তা পৰিধান কৰি ভাতৃৰ বিয়াত উপস্থিত হৈছিল ছলমান খান । ছ’চিয়েল মিডিয়াত ভাইৰেল হৈ পৰিছে ছলমানৰ এটা ভিডিঅ’ ৷ ভাইৰেল হোৱা ভিডিঅ’টোত জ্যেষ্ঠ ভাতৃ ছলমান খানক দবাং ছবিৰ ‘তেৰে মাষ্ট মাষ্ট দো নেন’ গীতত নৃত্য কৰা দেখা গৈছে । ছলমানৰ লগতে তেওঁৰ ভগ্নী আলভিৰা, ভতিজা অৰহান খান আৰু তেওঁৰ নতুন ভাই বোৱাৰী শূৰাকো নৃত্য কৰা দেখা গৈছিল ।
শূৰাৰ সৈতে বিয়াৰ পিচত বিয়াৰ প্ৰথমখন ছবি শ্বেয়াৰ অৰবাজৰ
শূৰাৰ সৈতে বিবাহৰ পিচত অৰবাজ খানে ছচিয়েল মিডিয়াত পত্নীৰ সৈতে প্ৰথমখন ছবি শ্বেয়াৰ কৰিছে । লগতে কেপচনত লিখিছে, "পৰিয়ালবৰ্গৰ উপস্থিতিত মই আৰু মোৰ আজিৰ পৰাই আজীৱন প্ৰেম একেলগে থকাৰ আৰম্ভণি হ’ল ! আমাৰ বিশেষ দিনটোত প্ৰয়োজন আপোনালোকৰ আশীৰ্বাদ আৰু শুভেচ্ছাৰ ! "
পুত্ৰ অৰহানেও অৰবাজৰ দ্বিতীয় বিবাহত অংশ লৈছিল
অৰবাজ খান আৰু শূৰাৰ বিয়াত অভিনেতাগৰাকীৰ পুত্ৰ অৰহান খানেও অংশগ্ৰহণ কৰে । পিতৃৰ বিয়াত অৰহানক খুব আনন্দ কৰা দেখা গ’ল ৷ কেৱল ইমানেই নহয়, পিতৃ আৰু নতুন মাতৃৰ সৈতে নৃত্যও কৰিছে অৰহানে ।
অৰবাজ-শূৰাৰ বিয়াত উপস্থিত থাকে বহু চেলিব্ৰিটি
উল্লেখ্য যে, অৰবাজ আৰু শূৰাৰ বিয়াত, বি টাউনৰ ৰবীনা টেণ্ডন, ৰিতেশ দেশমুখ, জেনেলিয়া ডিছৌজা আৰু ফাৰাহ খানকে ধৰি বহু চেলিব্ৰিটিয়ে অংশগ্ৰহণ কৰিছিল ।
লগতে পঢ়ক: প্ৰাক্তন স্বামী অৰবাজ খানৰ দ্বিতীয় বিবাহৰ সময়ত ক’ত, কি কৰি আছিল মালাইকা অৰোৰা ? চাওক ভাইৰেল ভিডিঅ’
