নগাঁও, 13 ছেপ্টেম্বৰ: নগাঁৱত চুৰি সামগ্ৰীসহ এটা গভাইত চোৰক আটক কৰিলে গাঁওৰক্ষী বাহিনীয়ে ৷ সোণাইঘাট হাইস্কুলৰ (Sonaighat High School) পৰা সামগ্ৰী চুৰি কৰোতেই গাঁওৰক্ষী বাহিনীয়ে কৰায়ত্ত কৰে চোৰটোক ৷
ধৃত চোৰটোৰ নাম আলাল উদ্দিন ৷ ঘৰ - শিমলুগুৰিত ৷ সোণাইঘাট হাইস্কুল আৰু নিৰ্মীয়মান ছোৱালী আৱাসগৃহত আমিৰ আলি নামৰ আন এটা গভাইত চোৰৰ লগত মিলি সংঘটিত কৰিছিল চুৰি কাণ্ড ৷
চলচলি কাতিমাৰী গাঁওৰক্ষী বাহিনীয়ে আলাল উদ্দিনক কৰায়ত্ত কৰি আৰক্ষীক চমজাই দিয়ে যদিও বৰ্তমান পলাতক আনটো চোৰ আমিৰ ৷ ড্ৰাগছ সেৱনৰ বাবে প্ৰয়োজনীয় ধনৰ অভাৱ ঘটাৰ বাবেই আলাল আৰু আমিৰে চুৰি কাণ্ড সংঘটিত কৰা বুলি স্বীকাৰ কৰিছে ৷
লগতে পঢ়ক: নগাঁৱৰ বতাহত পুনৰ বিয়পিছে নিচা
