নিউজ ডেস্ক,26 নৱেম্বৰ : কৰ্ণাটকৰ মুদ্দেবিহাল চৰকাৰী হাস্পতালৰ চিকিৎসকৰ গাফিলতিৰ বাবে এগৰাকী মহিলাৰ পেটতে থাকিল বেণ্ডেজ ৷ 7 জুলাইত এটি সন্তান জন্ম দিয়াৰ ছমাহ পাচত শ্বাহীন উথনালা নামৰ মহিলা গৰাকীৰ পেটৰ পৰা উদ্ধাৰ কৰে বেণ্ডেজটো ৷
মহিলা গৰাকীৰ আত্মীয়ই জনোৱা মতে,ঘটনা সন্দৰ্ভত হাস্পতাল কৰ্তৃপক্ষক ঘেৰাও কৰাৰ পাচত শেহতীয়াকৈ মহিলা গৰাকীৰ পেটৰ পৰা উদ্ধাৰ কৰা হয় বেণ্ডেজটো ৷
হাস্পতালখনৰ চিকিৎসক ডাঃ অনিল কুমাৰ শ্বেগুনাছিয়ে সংবাদ মাধ্যমক জনোৱা মতে, 23 নৱেম্বৰত শ্বাহীনে স্বাস্থ্য পৰীক্ষাৰ বাবে হাস্পতাললৈ গৈছিল ৷ স্বাস্থ্য পৰীক্ষাৰ অন্তত চিকিৎসকে মহিলা গৰাকীৰ ব্যক্তিগত অংগৰ পৰা পেড সদৃশ কাপোৰ উদ্ধাৰ কৰে ৷ ঘটনা সন্দৰ্ভত চিকিৎসা বিশেষজ্ঞসকলে তদন্ত অব্যাহত ৰখা বুলি ডাঃ অনিল কুমাৰ শ্বেগুনাছিয়ে জানিবলৈ দিয়ে ৷
আনহাতে হাস্পতালখনৰ কৰ্মচাৰীসকলে সকলো নথি-পত্ৰ নষ্ট কৰাৰ প্ৰয়াস কৰা বুলি মহিলা গৰাকীৰ ভাতৃ হুছেইন জেৱৰ্গীয়ে অভিযোগ উত্থাপন কৰিছে ৷
লগতে পঢ়ক : যদি পুৰণি হায়দৰাবাদত পাকিস্তানী আছে,তাৰ বাবে দায়ী প্ৰধানমন্ত্ৰী আৰু গৃহমন্ত্ৰী : ওৱেইছি
