নেশ্যনেল ডেস্ক,১ অক্টোবৰ: শুকুৰবাৰে কাবুলৰ দষ্ট-ই-বাৰ্চি অঞ্চলৰ এটা শিক্ষানুষ্ঠানত সংঘটিত হয় এক সন্ত্ৰাসবাদী আক্ৰমণ(Suicide attack at Kaaj Educational Centre) । আক্ৰমণত প্ৰাণ হেৰুৱাই প্ৰায় ২০ গৰাকীকৈ লোকে । আনহাতে আহত হয় ডজনৰো অধিক লোক । এই আত্মঘাতী আক্ৰমণক বিভিন্ন ৰাষ্ট্ৰৰ লগতে ভাৰতেও তীব্ৰ ভাষাৰে গৰিহণা দিয়ে(India condemns terror attack) । উক্ত আত্মঘাতী আক্ৰমণত নিহত সকলৰ বেছিভাগেই মহিলা বুলি কাবুলৰ পৰা এক সুত্ৰই প্ৰকাশ কৰে ।
এই সন্দৰ্ভত বৈদেশিক পৰিক্ৰমা মন্ত্ৰালয়(External Affairs Ministry Spokesperson)ৰ মুখপাত্ৰ অৰিন্দম বাগচীয়ে টুইট যোগে কয়(Arindam Bagchi tweeted) যে "শুকুৰবাৰে কাবুলৰ দস্ত-ই-বাৰ্চীৰ কাজ শিক্ষা কেন্দ্ৰত সংঘটিত সন্ত্ৰাসবাদী আক্ৰমণৰ ঘটনাক লৈ আমি দুখিত আৰু নিহতসকলৰ পৰিয়াললৈ সমবেদনা জ্ঞাপন কৰিছো । ধাৰাবাহিকভাৱে শিক্ষানুষ্ঠানত নীৰিহ লোকক এনেদৰে টাৰ্গেট কৰি লোৱা কাৰ্যক ভাৰতে তীব্ৰ ভাষাৰে গৰিহণা দিছো । "
