নিউজ ডেস্ক, ১৬ ডিচেম্বৰ : বিহাৰত বিষাক্ত সুৰাপান কৰি হোৱা মৃত্যুৰ সংখ্যা ৫৩ জনলৈ বৃদ্ধি পাইছে (death toll in Bihar hooch tragedy) । আনহাতে, সংকটজনক অৱস্থাত আন ১১ জনে জীৱন-মৃত্যুৰে যুঁজি আছে । ইফালে বৃহস্পতিবাৰৰ দৰে বিহাৰৰ মুখ্যমন্ত্ৰী নীতিশ কুমাৰে (Bihar Chief Minister Nitish Kumar) পুনৰ কয় যে যিসকলৰ এই অবৈধ সুৰাপান কৰাৰ ফলত মৃত্যু হ'ব, তেওঁলোকক ৰাজ্য চৰকাৰে কোনো ক্ষতিপূৰণ প্ৰদান নকৰে (death for drinking spurious liquor) ।
চাৰণ জিলাৰ মাশ্ৰাক, ইচুয়াপুৰ, মাধৌৰা আৰু আমনাউৰ খণ্ডৰ পৰা নতুনকৈ মৃত্যুৰ খবৰ পোৱা গৈছে । সূত্ৰ অনুসৰি, আন 18 জন লোকৰ অৱস্থা সংকটজনক আৰু ফলত মৃত্যুৰ সংখ্যা বৃদ্ধি হোৱাৰ আশংকা কৰা হৈছে (Saran district hooch tragedy)।
"সুৰাপান কৰাৰ পিছত মৃত্যু হোৱা লোকসকলক কোনো ক্ষতিপূৰণ দিয়া নহ'ব... আমি আবেদন কৰি আছোঁ- যদি আপোনালোকে সুৰাপান কৰে, আপোনালোক মৰিব... যিসকলে সুৰাপানৰ সপক্ষে কথা কয় তেওঁলোকে আপোনাৰ বাবে একো ভাল কৰিব নোৱাৰে...।" শুকুৰবাৰে ৰাজ্যিক বিধানসভাত নীতিশ কুমাৰে এনেদৰে কয় ।
তেওঁ আনকি গুজৰাটৰ মৰ্বি দলং খহি পৰাৰ (Morbi bridge collapse of Gujarat) প্ৰসংগ উল্লেখ কৰি অভিযোগ কৰে যে বিজেপিৰ শাসন নথকা ৰাজ্যসমূহে সংবাদ মাধ্যমৰ দ্বাৰা এক অন্যায়মূলক চিত্ৰায়ন লাভ কৰিছে । ২০২৪ চনৰ লোকসভা নিৰ্বাচনৰ বাবে "বিৰোধী ঐক্য"ৰ বাবে গুৰুত্ব দিয়া জেডি(ইউ)ৰ (JD U) নেতাজনক বাহিৰৰ পৰা মহা জোঁটবন্ধন চৰকাৰক সমৰ্থন কৰা চিপিআই(এম)ৰ এজন বিধায়কে কয় যে চাৰণ সুৰা ট্ৰেজেডীত মৃত্যু হোৱাসকলৰ পৰিয়ালৰ সদস্যসকলে কিছু ক্ষতিপূৰণ পাব লাগে ।
কিন্তু অতি বিতৃষ্ণাৰে উক্ত পৰামৰ্শ প্ৰত্যাখ্যান কৰি মুখ্যমন্ত্ৰীয়ে কয় যে ইয়াৰ দ্বাৰা সুৰাপানৰ অপকাৰক সমৰ্থন কৰাৰ সমান হ'ব আৰু নিষিদ্ধকৰণ আইনৰ আত্মাৰ বিপৰীতে যাব ।
"দলং খহি পৰাৰ ইমান ডাঙৰ ঘটনা সংঘটিত হৈছিল । সেইটো পিছদিনা কাকতত প্ৰকাশ পাইছিল আৰু তাৰ পিছত সকলো নীৰৱ হৈ পৰিছিল ।" মৰ্বি দলং দুৰ্ঘটনাৰ কথা উল্লেখ কৰি বিহাৰৰ মুখ্যমন্ত্ৰীয়ে কয় । লগতে তেওঁ কেন্দ্ৰৰ দ্বাৰা সংবাদ মাধ্যমক পৰিচালিত কৰাৰো অভিযোগ তুলি এই প্ৰসংগত সৰৱ হৈ পৰে ।
ইফালে ৰাষ্ট্ৰীয় মানৱ অধিকাৰ আয়োগে (National Human Rights Commission) বিহাৰ চৰকাৰ আৰু ৰাজ্যখনৰ আৰক্ষী প্ৰধানক সুৰা ট্ৰেজেডী সন্দৰ্ভত জাননী জাৰি কৰিছে । ৰাষ্ট্ৰীয় মানৱ অধিকাৰ আয়োগে (NHRC) "বিহাৰৰ চাৰণ জিলাত অবৈধ সুৰা সেৱন কৰাৰ অভিযোগত কেইবাজনো লোকৰ মৃত্যু হোৱা বুলি সংবাদ মাধ্যমৰ প্ৰতিবেদনৰ স্বতঃস্ফূৰ্তভাৱে বিবেচনা কৰিছে ।" তাত কোৱা হৈছে ।
উল্লেখ্য, আয়োগে লক্ষ্য কৰিছে যে সংবাদ মাধ্যমৰ প্ৰতিবেদনৰ বিষয়বস্তু যদি সঁচা হয়, তেন্তে সি মানৱ অধিকাৰৰ বাবে যথেষ্ট উদ্বেগজনক কথা । স্পষ্টভাৱে ক'বলৈ গ'লে, প্ৰতিবেদিত ঘটনাটোৱে ৰাজ্যখনত অবৈধ বা নকল সুৰা বিক্ৰী আৰু সেৱন নিষিদ্ধ কৰাৰ নীতি ৰূপায়ণৰ ক্ষেত্ৰত "ৰাজ্য চৰকাৰৰ বিফলতা সূচায়" । তাত লগতে কোৱা হৈছে ।
তাৰ পৰিপ্ৰেক্ষিততে মানৱ অধিকাৰ আয়োগে বিহাৰৰ মুখ্য সচিব আৰু আৰক্ষী সঞ্চালক প্ৰধানক জাননী জাৰি কৰিছে । ইয়াৰ ভিতৰত আছে আৰক্ষীয়ে পঞ্জীয়ন কৰা এজাহাৰৰ স্থিতি, চিকিৎসালয়ত ভৰ্তি হোৱা ভুক্তভোগীসকলৰ চিকিৎসা আৰু ক্ষতিগ্ৰস্ত পৰিয়ালবোৰক ক্ষতিপূৰণ প্ৰদান কৰা । বিবৃতিটোত এনেদৰে কোৱা হৈছে ।
আয়োগে দুৰ্ঘটনাটোৰ বাবে দোষী অপৰাধী বিষয়াসকলৰ বিৰুদ্ধে লোৱা ব্যৱস্থাৰ বিষয়েও জানিবলৈ বিচাৰিব । কৰ্তৃপক্ষৰ পৰা সঁহাৰি অতি সোনকালে আশা কৰা বুলি লগতে কোৱা হৈছে যে উক্ত প্ৰতিবেদন নিৰ্দেশ জাৰি কৰাৰ পৰা চাৰি সপ্তাহৰ ভিতৰত দিব লাগিব ।
উল্লেখ কৰিবলগীয়া যে চাৰণ জিলাৰ দণ্ডাধীশ (ডিএম) ৰাজেশ মীনাই বৃহস্পতিবাৰে আবেলিলৈকে বাৰজন লোক চিকিৎসাধীন হৈ থকাৰ লগতে মাত্ৰ ২৮ জন লোকৰ মৃত্যু আনুষ্ঠানিকভাৱে নিশ্চিত কৰিছিল । ইফালে আৰক্ষীয়ে অবৈধ সুৰা ব্যৱসায়ৰ সৈতে জড়িত ১২৬ জন লোকক আটক কৰিছে ।
লগতে পঢ়ক :Bihar hooch tragedy: বিহাৰত বিষাক্ত সুৰাই প্ৰাণ ল'লে ৫৩ গৰাকী লোকৰ
