নিউজ ডেস্ক, 22 ফেব্ৰুৱাৰীঃ 24 ফেব্ৰুৱাৰীত ভাৰতলৈ আহিব বিশ্বৰ শক্তিশালী নেতা আমেৰিকাৰ ৰাষ্ট্ৰপতি ড’নাল্ড ট্ৰাম্প ৷ যাৰ বাবে সাজু কৰি তোলা হৈছে আহমেদাবাদৰ ম’টেৰা ষ্টেডিয়াম ৷ বিশ্বৰ সৰ্ব বৃহৎ ষ্টেডিয়ামখনত আয়োজন কৰা ‘‘নমেস্তে ট্ৰাম্প’’ কাৰ্যসূচীত অংশ ল’ব বিশ্বৰ দুই শক্তিশালী নেতা ভাৰতৰ প্ৰধানমন্ত্ৰী নৰেন্দ্ৰ মোডী আৰু আমেৰিকা ৰাষ্ট্ৰপতি ড’নাল্ড ট্ৰাম্প ৷
যাৰ বাবে কটকটীয়া নিৰাপত্তা বেষ্টনী গঢ়ি তোলাৰ লগতে আকাশমাৰ্গেৰে নিৰীক্ষণ কৰা হৈছে ম’টেৰা ষ্টেডিয়ামৰ সমগ্ৰ পৰিৱেশ ৷ সুৰক্ষা দিশটোৰ প্ৰতি লক্ষ্য ৰাখি উন্নত প্ৰযুক্তিৰ ড্ৰ‘ণ কেমেৰাৰে তন্ন তন্নকৈ দৃষ্টি ৰখা হৈছে ৷ দুদিনীয়া কাৰ্যসূচীৰে পৰিয়াল সহ প্ৰথমবাৰৰ বাবে ভাৰত ভ্ৰমণলৈ আহিব ড’নাল্ড ট্ৰাম্প ৷
