স্পৰ্টছ ডেস্ক, 14 মাৰ্চ : বিদৰ্ভক পৰাস্ত কৰি ৰঞ্জি ট্ৰফী দখল মুম্বাইৰ ৷ মুম্বাই আৰু বিদৰ্ভৰ মাজত খেলা চূড়ান্ত খেলখনত মুম্বাই দলটোৱে বিদৰ্ভক 169 ৰানত পৰাস্ত কৰিছে ৷ এই জয়েৰে মুম্বাইয়ে 42 সংখ্যক বাৰৰ বাবে ৰঞ্জী খিতাপ দখল কৰে ৷
568 ৰানৰ লক্ষ্য খেদি বিদৰ্ভ দলে 368 ৰানতে অল আউট হয়, ফলত মুম্বাই দলটোৱে 169 ৰানত জয়লাভ কৰে ৷ অজিংক্য ৰাহানেৰ নেতৃত্বত মুম্বাইয়ে প্ৰথমে বেটিং কৰি প্ৰথম ইনিংছত 224 ৰান সংগ্ৰহ কৰে ৷ শ্বাৰদুল ঠাকুৰৰ বাহিৰে কোনো বেটছমেনেই প্ৰথম ইনিংছত বিশেষ ভাল প্ৰদৰ্শন কৰিব নোৱাৰিলে ৷ শ্বাৰদুলৰ 75 ৰানৰ ইনিংছৰ বাবেই মুম্বাইয়ে এই স্ক’ৰ সংগ্ৰহ কৰিবলৈ সক্ষম হয় ৷ 224 ৰানৰ প্ৰতিক্ৰিয়াত বিদৰ্ভ দলে বেটিং কৰিবলৈ আহি 105 ৰানৰত অল আউট হয় ৷ যাৰ বাবেই দ্বিতীয় ইনিংছত মুম্বাইয়ে 119 ৰানৰ অগ্ৰগতি লাভ কৰে ৷
119 ৰানৰ অগ্ৰগতিৰে খেলপথাৰলৈ অহা মুম্বাই দলৰ খেলুৱৈসকলে দ্বিতীয় ইনিংছত শক্তিশালী প্ৰদৰ্শন কৰি 418 ৰান সংগ্ৰহ কৰে ৷ প্ৰথম ইনিংছত ব্যৰ্থ হোৱা অজিংক্য ৰাহানে, শ্ৰেয়াছ আয়াৰ, মুছিৰ খানে উৎকৃষ্ট ইনিংছ খেলিছিল ৷ অধিনায়ক অজিংক্য ৰাহানেই 73 ৰান সংগ্ৰহ কৰে ৷ শ্ৰেয়াছ আয়াৰে 111 টা বলৰ সন্মুখীন হৈ 95 ৰানৰ ইনিংছ খেলে ৷ এই ইনিংছত সৰফৰাজ খানৰ ভাতৃ মুছিৰ খানকো দেখা গৈছিল, তেওঁ দুৰ্দান্ত বেটিঙেৰে 136 ৰান সংগ্ৰহ কৰিছিল য’ত ১০টা চাৰি আছিল৷
- " class="align-text-top noRightClick twitterSection" data="">
প্ৰথম ইনিংছত 36 ৰান সংগ্ৰহ কৰিছিল মুশ্বীৰে ৷ এই বেটছমেনসকলৰ উপৰিও ছামছ মুলানীয়েও 50 ৰানৰ এক উজ্জ্ব ইনিংছ খেলে ৷ মুম্বাইৰ দ্বিতীয় ইনিংছত হৰ্ষ ডুবেই 5 টা উইকেট দখল কৰে ৷ আনহাতে যশ ঠাকুৰে 3 টা, আদিত্য থাকৰে আৰু অমন মোখড়েই এটাকৈ উইকেট দখল কৰে ৷ ভাৰতীয় দলৰ বেগী বলাৰ উমেশ যাদৱ উইকেট দখলত ব্যৰ্থ হয় ৷
দ্বিতীয় ইনিংছত মুম্বাইয়ে 418 ৰান সংগ্ৰহ কৰাৰ পাছত বিদৰ্ভক জয়ী হ’বলৈ প্ৰয়োজন হৈছিল 538 ৰানৰ ৷ যাৰ প্ৰতিক্ৰিয়া স্বৰূপে দলটোৱে 368 ৰানত অল আউট হয় ৷ বিদৰ্ভৰ হৈ অধিনায়ক তথা উইকেটকীপাৰ অক্ষয় ৱাডকাৰে 102 ৰানৰ শতকীয় ইনিংছ খেলে ৷ হৰ্ষ ডুবেই 65 ৰান আৰু কৰুণ নাইৰে 74 ৰান সংগ্ৰহ কৰে ৷ ইয়াৰ বাহিৰে কোনো বেটছমেনে বিশেষ ভাল প্ৰদৰ্শন কৰিব নোৱাৰিলে ৷ অথৰভে টাইডে 32, ধ্ৰুৱ শ্বোৰে 28, অমন মোখড়ে 32, যশ ৰাথোড়ে 7, আদিত্যই 3, যশ ঠাকুৰে 6, উমেশ যাদৱে 6 ৰান সংগ্ৰহ কৰি আউট হয় ৷
মুম্বাইৰ হৈ তনুষ কোটিয়ানে 4 টা, মুশ্বীৰ খান আৰু তুষাৰ দেশপাণ্ডে 2 টাকৈ আৰু ছামছ মুলানী আৰু ধৱাল কুলকাৰ্ণীয়ে এটাকৈ উইকেট দখল কৰে ৷
লগতে পঢ়ক : দেশৰ নামী দামী তাৰকা ক্ৰিকেটাৰৰ সমাৱেশেৰে নুমলীগড় শোধনাগাৰৰ উদ্যোগত ক্ৰিকেট টুৰ্ণামেণ্ট
