বৰপেটা,৭ মে': দেশৰ কেইবাটাও প্ৰান্তৰ সমান্তৰালভাৱে ৰাজ্যৰ ৪ টাকৈ সমষ্টিৰ বাবে আজি অনুষ্ঠিত হয় লোকসভা নিৰ্বাচনৰ তৃতীয় পৰ্য়ায়ৰ ভোটগ্ৰহণ । ভোটাধিকাৰ সাব্যস্ত কৰিবলৈ হিলদ'ল ভাঙি ওলাই আহিল সৰ্বসাধাৰণ জনতা । নতুন ভোটাৰৰ পৰা অশীতিপৰ বৃদ্ধলৈ, বিশেষভাৱে সক্ষম লোকৰ পৰা সুস্থ-সবল প্ৰতিগৰাকী নাগৰিকে সাব্যস্ত কৰে ভোটাধিকাৰ । ইয়াৰ মাজতে বিশেষভাৱে চৰ্চালৈ আহিছে এখন ছবি । যিখন ছবিয়ে গণতন্ত্ৰৰ বৃহৎ উৎসৱক প্ৰদান কৰিলে অনন্য মাত্ৰা ।
- " class="align-text-top noRightClick twitterSection" data="">
বৰপেটাৰ জীৱনলতা ছোৱালী শিক্ষানুষ্ঠানত আজি ভোটাধিকাৰ সাব্যস্ত কৰিবলৈ ওলাই আহিল বৰপেটা চহৰৰ দক্ষিণ হাটী নিবাসী চাৰি পুত্ৰই । কিন্তু তেওঁলোকে ভোটাধিকাৰ সাব্যস্ত কৰিবলৈ অহা দৃশ্যই আচৰিত কৰি তোলে সকলকে । কিয়নো মাত্ৰ পাঁচদিন পূৰ্বে ব্যৰ্ধক্যজনিত কাৰণত বিয়োগ ঘটিছিল তেওঁলোকৰ মাতৃৰ ৷ গোটেই ঘৰখনতে শোকাকুল পৰিৱেশ বিৰাজ কৰিছে যদিও শোকৰ মাজতো নিজৰ গণতান্ত্ৰিক অধিকাৰ সাব্যস্ত কৰি তেওঁলোকে ৰাইজকো ভোটদানৰ প্ৰতি দায়ৱদ্ধতা প্ৰদৰ্শন কৰিবলৈ আহ্বান জনায় ।
তেওঁলোকে কয় যে ভাৰতৰ দৰে বৃহৎ গণতান্ত্ৰিক দেশত ব্যাপক হাৰত ভোটদান কৰি গণতান্ত্ৰিক ব্যৱস্থাটোক আৰু অধিক শক্তিশালী কৰাৰ দায়িত্ব সকলোৱে ল'ব লাগে । সেই দায়বদ্ধতাৰে তেওঁলোক আজি শোকৰ মাজতো এনেদৰে ওলাই আহি ভোটাধিকাৰ সাব্যস্ত কৰে ৷ উল্লেখযোগ্য যে ভোটদানৰ প্ৰতি ৰাইজৰ মাজত সজাগতা বৃদ্ধিত দেশৰ নিৰ্বাচন আয়োগে প্ৰধান গুৰুত্ব আৰোপ কৰি আহিছে ।
আয়োগৰ নিৰ্দেশনা অনুসৰি বৰপেটা নিৰ্বাচনী জিলাত বিগত সময়চোৱাত ভোটাৰৰ সজাগতা বৃদ্ধিৰ বিভিন্ন কাৰ্যসূচী ৰূপায়ণ কৰা হয় । ভোটদান মানুহে কিয় কৰিব লাগে তাৰ বাবে শক্তিশালী বাৰ্তা সৃষ্টিৰ অৰ্থে বৰপেটা জিলা নিৰ্বাচন বিভাগে বিভিন্ন প্ৰতিযোগিতা অনুষ্ঠিত কৰাৰ লগতে সজাগতা সভা, বাটৰ নাট আদি কাৰ্যসূচীও ৰূপায়ণ কৰা পৰলক্ষিত হৈছিল ।
