শাক অসমীয়াৰ প্ৰিয় খাদ্য ৷ অসমৰ জলবায়ুও অৱশ্যে শাকৰ খেতিৰ বাবে অতি উপযোগী ৷ সেয়েহে বছৰৰ সকলো সময়তে এই অসমত ভিন্ন প্ৰকাৰৰ শাক পোৱা যায় ৷ প্ৰয়োজন অনুসাৰে কেঁচাই চাটনিৰ ৰুপত, কেতিয়াবা ভাজি-তৰকাৰীৰ ৰূপত আৰু ৰস উলিয়াই ইচ্ছানুযায়ী প্ৰস্তুত দ্ৰব্যৰ ৰূপত শাকক ব্যৱহাৰ কৰা হয় ৷
দীৰ্ঘদিনৰ পৰা অসমত কিছুমান শাকক বিশেষভাৱে ঔষধি গুণসম্পন্ন বুলি জ্ঞাত হোৱাৰ পিছত তেনে শাকক প্ৰত্যক্ষভাৱে ঔষধ হিচাপে ব্যৱহাৰৰো পথ মুকলি হৈছে ৷ তাৰ ভিতৰত চিৰতা, দোৰোণ, মছন্দৰি, ভেদাইলতা আৰু তুলসীৰ নাম বিশেষভাৱে উল্লেখযোগ্য ৷ আজি আমি ইয়াৰে ভিতৰত তিনি শাকৰ গুণকাৰী দিশৰ বিষয়ে আলোচনা কৰিম ৷
কলমৌ শাক:
- বসন্ত ৰোগৰ সৈতে প্ৰতিৰোধ কৰাত কলমৌ শাকৰ এক গুৰুত্বপূৰ্ণ ভূমিকা পালন কৰে ৷
- জণ্ডিছ ৰোগীয়ে কলমৌৰ আগ বা পাত গাখীৰৰ লগত মিহলাই খালে আৰোগ্য লাভ কৰিব পৰা যায় ৷
- নিদ্ৰাহীনতা দূৰ কৰে ৷
- আনহাতে, মাতৃদুগ্ধ কম হ’লে ঘিউৰ লগত এই শাক মিশ্ৰণ কৰি খালে মাকৰ গাখীৰ বেছি হয় ৷
- স্নায়ু দুৰ্বল, ধাতু দুৰ্বল আৰু যৌন ব্যাধি দূৰ কৰে ৷
দোৰোণ শাক:
- মেলেৰিয়া, নিউমোনিয়া, স্বাস-প্ৰস্বাসজনিত ৰোগ, কফ, জণ্ডিছ, কৃমি, অভোক আদি ৰোগত দোৰোণ শাক বৰ উপকাৰী ৷
- পানীলগা জ্বৰ বা স্বাস-প্ৰস্বাসজনিত ৰোগত দোৰোণ শাক অতি উপকাৰী ৷
- শিশুক মৌৰ ৰসৰ লগত সিজাই খুৱালে যথেষ্ট উপকাৰিতা লাভ কৰিব পাৰে৷
- ছাইনাছাইটিছ্ ৰোগত নাকেৰে এই ৰস ল’লে ৰোগ নিৰ্মূল হয় ৷
ভেদাইলতা:
- ভেদাইলতা শাকে আমাৰ শৰীৰত যথেষ্ট শক্তি প্ৰদান কৰে ৷
- পেটৰ ৰোগ, ৰুচি নোহোৱা, পেটৰ সৈতে জড়িত সমস্যাৰ ক্ষেত্ৰত ই উপকাৰী ৷
- বাতবিষ, বুকুৰ বিষত সুফল পাব পাৰি ৷
- ফোঁহা বা কটা-চিঙাত ভেদাইলতা ডাল-পাত থেতেলাই প্ৰলেপ দিব লাগে ৷
লগতে পঢ়ক: কাঠবাদাম খোৱাৰ সময়ত আপুনিও কৰে নেকি এই ভুল ? তেন্তে লাভৰ পৰিৱৰ্তে হ’ব লোকচান
