চিটাৰা ডেস্ক, ১৮ ফেব্ৰুৱাৰী: চলচ্চিত্ৰৰ সমান্তৰালকৈ ছ’চিয়েল মিডিয়াতো অতি সক্ৰিয় ৰশ্মিকা মন্দান্না। প্ৰতিদিনে পোষ্ট শ্বেয়াৰ কৰি অনুৰাগীৰ সৈতে জড়িত হৈ থাকে অভিনেত্ৰীগৰাকী । কেৱল এয়াই নহয়, পোষ্টৰ জৰিয়তে দৈনন্দিন জীৱনৰ সৈতে জড়িত কাহিনীও শ্বেয়াৰ কৰে অভিনেত্ৰীগৰাকীয়ে ।
এতিয়া শেহতীয়াকৈ অভিনেত্ৰীগৰাকীয়ে এটা পোষ্ট শ্বেয়াৰ কৰিছে ৷ যিটো পোষ্ট দেখি স্তম্ভিত হৈ পৰিছে অনুৰাগী । শেহতীয়া ইনষ্টাগ্ৰামত এটা ষ্ট’ৰী শ্বেয়াৰ কৰি ৰশ্মিকাই জনাইছে যে তেওঁৰ লগত এনেকুৱা এটা ঘটনা ঘটিছে, যিটোৰ পৰা কথমপি প্ৰাণ ৰক্ষা পৰিছে অভিনেত্ৰীগৰাকীৰ ।
মৃত্যুৰ মুখৰ পৰা ৰক্ষা পৰিল ৰশ্মিকা
আচলতে অভিনেত্ৰীগৰাকী শেহতীয়াকৈ বিমানেৰে যাত্ৰা কৰিছিল । এই সময়চোৱাত অভিনেত্ৰীগৰাকী যিখন বিমানেৰে যাত্ৰা কৰিছিল, সেই বিমানখনৰ জৰুৰীকালীন অৱতৰণ হৈছিল । অভিনেত্ৰীগৰাকীয়ে নিজেই এই তথ্য ছ’চিয়েল মিডিয়া পোষ্টৰ জৰিয়তে দিছে ।
অভিনেত্ৰীগৰাকীয়ে তেওঁৰ ইনষ্টা ষ্ট’ৰীত এখন ছবি শ্বেয়াৰ কৰিছে, য’ত তেওঁক বিমানখনত নিজৰ আসনত বহি থকা দেখা গৈছে । এই ছবিখন শ্বেয়াৰ কৰি ৰশ্মিকাই লিখিছে, ‘‘মাত্ৰ এটা তথ্য যে এইদৰে আমি মৃত্যুৰ পৰা ৰক্ষা পৰিছো ।’’ অভিনেত্ৰী শ্ৰদ্ধা দাসকো এই ছবিখনত ৰশ্মিকাৰ সৈতে দেখা গৈছে । ৰশ্মিকাৰ এই পোষ্টটো প্ৰকাশ পোৱাৰ লগে লগে ভাইৰেল হৈ পৰে ছ’চিয়েল মিডিয়াত । অনুৰাগীয়ে অভিনেত্ৰীগৰাকীক লৈ চিন্তিত হৈ পৰে, কিন্তু চিন্তাৰ কোনো কাৰণ নাই, ৰশ্মিকা এতিয়া একেবাৰে ঠিকে আছে ।
খবৰ অনুসৰি কোৱা হৈছে যে যিখন বিমানেৰে ৰশ্মিকা যাত্ৰা কৰিছিল, সেই বিমানখনে ৩০ মিনিটৰ পিচত কিছু কাৰিকৰী ত্ৰুটিৰ বাবে জৰুৰীকালীন অৱতৰণ কৰিবলগীয়া হৈছিল । এই বিমানখন মুম্বাইৰ পৰা হায়দৰাবাদলৈ গৈ আছিল । কিন্তু ই জৰুৰীকালীন অৱতৰণ কৰিবলগীয়া হোৱাত বিমানখন মুম্বাইলৈ উভতি আহিল । অৱশ্যে ভাল খবৰটো হ’ল এই ঘটনাত কাৰো কোনো ক্ষতি হোৱা নাই আৰু সকলোৱে সুৰক্ষিত ।
লগতে পঢ়ক: সুহানীৰ মৃত্যুত ভাঙি পৰিছে দংগলৰ সহ অভিনেত্ৰী জাইৰা ৱাছিম
