'తెరాస నిర్లక్ష్యం వల్లే రైల్వే కోచ్‌ ఫ్యాక్టరీ ఆలస్యం'

2016లో వరంగల్​కు రైల్వే కోచ్ ఫ్యాక్టరీని కేటాయించారని కేంద్ర మంత్రి కిషన్ రెడ్డి తెలిపారు. కేంద్రం 125 ఎకరాలు అడిగితే ఇప్పటివరకు ఇవ్వలేకపోయారని అన్నారు.

వరంగల్​కు రైల్వే కోచ్ ఫ్యాక్టరీని కేటాయించిన కేంద్రం.. 125 ఎకరాలు అడిగితే రాష్ట్ర సర్కార్ ఇప్పటివరకు ఇవ్వలేదని కేంద్ర మంత్రి కిషన్ రెడ్డి అన్నారు. రాష్ట్ర వాటా నిధులను కూడా ఇవ్వలేదని చెప్పారు. వరంగల్​ జిల్లా ఎమ్మెల్సీ ఎన్నికల సమావేశంలో పాల్గొన్న ఆయన.. భాజపా ద్వారానే వరంగల్ అన్ని విధాల అభివృద్ధి చెందిందని తెలిపారు.

తెలంగాణలో ఎన్నడూ లేనివిధంగా జాతీయ రహదారుల నిర్మాణం చేపట్టామని కిషన్ రెడ్డి అన్నారు. వరంగల్​కు రింగ్​రోడ్​ను భాజపా ప్రభుత్వమే కేటాయించిందని వెల్లడించారు. అమృత్ సిటీ, హెరిటేజ్ సిటీ, స్మార్ట్ సిటీ కింద వరంగల్​కు ప్రాధాన్యమిచ్చామని చెప్పారు. కొందరు రాష్ట్రమంత్రులు ఇష్టానుసారం మాట్లాడుతున్నారని మండిపడ్డారు.

• ఇదీ చూడండి :తెలంగాణపై కేంద్రం వివక్ష చూపుతోంది: మంత్రి ఎర్రబెల్లి