Political Parties Election Campaign in Telangana 2023: హైదరాబాద్లోని నాంపల్లి బీజేపీ అభ్యర్థి రాహుల్‌ చంద్రకు మద్దతుగా ఆ పార్టీ రాష్ట్ర అధ్యక్షుడు, కేంద్ర మంత్రి కిషన్‌రెడ్డి ప్రచారం నిర్వహించారు. బజార్‌ఘాట్‌లో పాదయాత్రగా వెళ్లి, ఓటర్లను కలిసిన కిషన్‌రెడ్డి.. ఇంటింటికి వెళ్లి, కరపత్రాలు అందజేశారు. సనత్‌నగర్‌లో మంత్రి తలసాని శ్రీనివాస్‌యాదవ్‌ ప్రచారం నిర్వహించారు. ఉదయాన్నే నియోజకవర్గ పరిధిలోని సుభాష్‌నగర్, కైలాశ్‌నగర్‌ బస్తీల్లో పర్యటించిన మంత్రి.. ఇంటింటికి వెళ్లి, ఓట్లు అభ్యర్థించారు. గ్యారంటీలేని పార్టీలు ప్రజలకు గ్యారంటీలు ప్రకటిస్తున్నాయని ఎద్దేవా చేశారు. బీఆర్ఎస్ ప్రభుత్వంతోనే అభివృద్ధి సాధ్యమవుతోందని అన్నారు.
BJP Election Campaign in Telangana: హనుమకొండ 31 డివిజన్‌లో వరంగల్ పశ్చిమ నియోజకవర్గ అభ్యర్థి రావు పద్మ ఇంటింటికి వెళ్లి, ఓటర్లను కలిశారు. దుబ్బాక నియోజకవర్గ బీజేపీ అభ్యర్థి రఘునందన్‌రావు దౌల్తాబాద్‌ మండలంలో ప్రచారం నిర్వహించారు. వరంగల్ తూర్పు నియోజకవర్గానికి చెందిన మాజీ మేయర్‌ గుండా ప్రకాశ్‌రావు.. ఏఐసీసీ ఎన్నికల పరిశీలకులు రవీందర్ దాల్వి సమక్షంలో కాంగ్రెస్‌లో చేరారు. జగిత్యాల జిల్లా ఇబ్రహీంపట్నం మండలంలో కోరుట్ల కాంగ్రెస్ అభ్యర్థి(Congress Leader Election Campaign in Telangana) జువ్వాడి నర్సింగరావు.. కార్నర్‌ సమావేశాలు, ఇంటింటి ప్రచారంతో ఓట్లు అభ్యర్థిస్తున్నారు.
మూడోసారి గెలుపై లక్ష్యంగా బీఆర్ఎస్ ప్రచార జోరు - ఇంటింటికి తిరుగుతూ ఓట్ల కోసం అభ్యర్థనలు
Jeevan Reddy Election Campaign in Jagtial : జగిత్యాల కాంగ్రెస్ అభ్యర్థి జీవన్‌రెడ్డి.. వెల్దుర్తి, జాబితాపూర్‌లో ఎన్నికల ప్రచారం నిర్వహించారు. ఊరూరా సుడిగాలి పర్యటనలు చేస్తున్నారు. బీఆర్ఎస్ ప్రభుత్వ తీరుపై విమర్శలు(Opposition Leaders Comments on BRS Leaders) చేశారు. దీంతో పాటు కాంగ్రెస్ గ్యారంటీలను ప్రజలకు వివరిస్తూ ప్రచారంసాగిస్తున్నారు. యాదాద్రి భువనగిరి జిల్లా ఆలేరు కాంగ్రెస్ అభ్యర్థి బీర్ల ఐలయ్యను గెలిపించాలంటూ ఆయన కుమార్తెలు ప్రచారం చేస్తున్నారు. యాదగిరిగుట్ట పురపాలిక పరిధిలో ఇంటింటికి వెళ్తూ.. కాంగ్రెస్‌కు ఓటేయాలని కోరారు. ఆలేరు బీఆర్ఎస్ అభ్యర్థి గొంగిడి సునీత.. యాదగిరిగుట్టలో ప్రచారం చేసే క్రమంలో ఓ వృద్ధుడికి అన్నం తినిపించారు.