FAMILY ATTACKED ON YOUNG WOMEN: దీపావళి పండుగ రోజు ఇంటి ముందు దీపాలు వెలిగిస్తోన్న తనను నలుగురు అసభ్య పదజాలంతో దూషించి, దీపాలను కాళ్లతో తన్నారని ఆరోపిస్తూ ఓ మహిళ చిక్కడపల్లి పీఎస్లో ఫిర్యాదు చేసింది. ఈ ఘటనలో నిందితులపై కేసు నమోదు చేసి అరెస్ట్ చేయాలంటూ వి.హెచ్.పి, భజరంగ్దళ్ నాయకులు పోలీస్ స్టేషన్ ముందు నిరసన తెలిపారు.
ఈ నెల 24వ తేదీ రాత్రి ఆర్టీసీ క్రాస్ రోడ్ లోని అర్చన అపార్ట్మెంట్లో ఉంటున్న ఓ యువతి దీపావళి పండుగ పురస్కరించుకొని ఇంటిముందు దివ్వెలను వెలిగించారు. ఆ ఫ్లాట్కు ఎదురుగా ఉన్న శాలిని దేవ్ కృప (63) వెలిగించిన దీపాలను తన్నడంతో పాటు తన పట్ల అసభ్యంగా వ్యవహరించి దుర్భాషలాడారని బాధితురాలు పోలీసులకు ఫిర్యాదు చేసింది. శాలిని దేవ్ కృప భర్త జీఏ క్రిస్టఫర్ (68), కుమారులు రాజీవ్ అబ్రహాం (36), అజిత్ ఎబంజర్ (34) దీపావళి పండుగ పై అసభ్యంగా మాట్లాడుతూ తనపై దాడికి పాల్పడ్డారని ఫిర్యాదులో పేర్కొంది.