ఇండియన్ ప్రీమియర్‌ లీగ్‌ రెండో దశ ఆరంభానికి మరో నెల రోజులే ఉంది. ఈ క్రమంలో అప్పుడే సందడి మొదలైంది. వేదిక యూఈఏకి మారడం వల్ల ఫ్రాంచైజీలన్నీ ముందుస్తుగా అక్కడ ఏర్పాట్లు చేస్తున్నాయి. మూడుసార్లు విజేత చెన్నై సూపర్‌కింగ్స్‌ శుక్రవారం రాత్రే అక్కడికి చేరుకుంది. ఈ మేరకు ఆ ఫ్రాంచైజీ ఓ వీడియోను ట్వీట్‌ చేసింది.
కెప్టెన్ ధోనీ, సురేశ్‌ రైనా, రుతురాజ్‌ గైక్వాడ్‌, రాబిన్‌ ఉతప్ప సహా ఇతర క్రికెటర్లు, సహాయ సిబ్బంది దుబాయ్ చేరుకున్నారు. వారితో పాటు కుటుంబసభ్యులూ ఉన్నారు. ఇందుకు సంబంధించిన వీడియోను పంచుకున్న సీఎస్కే 'దుబాయ్‌కి మరోసారి వణక్కం' అని ట్యాగ్‌ జత చేసింది. ఈ వీడియోలో సీఎస్కే బస చేస్తున్న హోటల్‌, ఎంటర్‌టైన్‌మెంట్‌ గదిని చూపించారు.