Sarkaru Vaari Paata Release Date: సూపర్స్టార్ మహేశ్బాబు హీరోగా పరశురామ్ దర్శకత్వంలో తెరకెక్కిన చిత్రం 'సర్కారు వారిపాట'. కీర్తి సురేశ్ కథానాయిక. ఈ చిత్రం మే 12న ప్రేక్షకుల ముందుకు రానుంది. మహాశివరాత్రి సందర్భంగా ఈ చిత్రానికి సంబంధించి ఓ పోస్టర్ను విడుదల చేసింది చిత్రబృందం. ఫుల్ యాక్షన్ బ్యాక్డ్రాప్లో ఉన్న పోస్టర్ మహేశ్ అభిమానుల్ని విశేషంగా ఆకట్టుకుంటోంది. ఈ చిత్రంలో మహేశ్బాబు బ్యాంకు అధికారిగా కనిపించనున్నట్లు తెలుస్తోంది.
రవితేజ 'రామారావు' టీజర్
Ravi Teja Ramarao on Duty: మాస్ మహారాజా రవితేజ నటిస్తున్న 'రామారావు ఆన్ డ్యూటీ' చిత్రం టీజర్ విడుదలై ఆకట్టుకుంటోంది. ఇక ఈ చిత్రాన్ని మార్చి 25న గానీ, పరిస్థితులు అనుకూలించకపోతే ఏప్రిల్ 15న గానీ రిలీజ్ చేస్తామని తెలిపింది చిత్రబృందం.
యాక్షన్ ఎంటర్టైనర్గా రూపొందుతున్న ఈ చిత్రానికి శరత్ మాండవ దర్శకత్వం వహిస్తుండగా.. దివ్యాంశ కౌషిక్ హీరోయిన్గా నటిస్తోంది. సామ్ సీఎస్ సంగీతం అందిస్తున్నారు.
అలా పార్కులో సరదాగా..
RRR Release Date: దర్శకధీరుడు రాజమౌళి తెరకెక్కించిన 'ఆర్ఆర్ఆర్' సినిమాలోని ఓ వర్కింగ్ స్టిల్ ప్రస్తుతం సామాజిక మాధ్యమాల్లో ట్రెండింగ్గా మారింది. ఈ స్టిల్లో ఎన్టీఆర్, రామ్చరణ్ ఫోన్లు చూసుకుంటూ పార్కులో పడుకుని ఉన్నారు. షూటింగ్ బ్రేక్లో ఇద్దరూ తమ ఫోన్లలో నిమగ్నమయ్యారు.
ఈ చిత్రం మొదట జనవరి 7న విడుదల కావాల్సి ఉండగా కొవిడ్ వల్ల వాయిదా పడింది. అయితే మార్చి 7న థియేటర్లలోకి తీసుకురావాలని చూసినా.. ఒమిక్రాన్ కేసుల కారణంగా మరోసారి వాయిదా పడింది. ఇప్పుడు మార్చి 25న ప్రేక్షకుల ముందుకు రానుంది.
దాదాపు రూ.450కోట్ల భారీ బడ్జెట్తో నిర్మించిన ఈ చిత్రాన్ని దర్శకధీరుడు రాజమౌళి తెరకెక్కించారు. అజయ్ దేవగణ్, ఆలియా భట్, శ్రియ కీలక పాత్రలో నటించారు.
సూర్య 'ఈటి'
Etharkum Thuninthavan Movie Release Date: 'ఆకాశమే హద్దురా', 'జై భీమ్' చిత్రాలతో వరుస హిట్లు కొట్టారు హీరో సూర్య. ఇప్పుడు 'ఈటి' చిత్రంతో వెండితెరపై సందడిచేసేందుకు సిద్ధమయ్యారు. ఈటి చిత్రం మార్చి 12 న విడుదల కానుంది. పాండిరాజ్ దర్శకత్వం వహిస్తున్నారు. ఈ సినిమా ట్రైలర్ బుధవారం సందడి చేయనుంది.