ప్రస్తుతం 'దబాంగ్-3'తో బిజీగా ఉన్నాడు కండలవీరుడు సల్మాన్ఖాన్. తాను చేయబోయే కొత్త చిత్రాన్నిశుక్రవారం ప్రకటించాడు. 'రాధే' పేరుతో రూపొందనున్న ఈ సినిమా వచ్చే ఈద్కు తెస్తున్నట్లు ట్విట్టర్ వేదికగా వెల్లడించాడు. ఓ వీడియోను పంచుకున్నాడు.
సల్మాన్-సంజయ్లీలా భన్సాలీ కాంబినేషన్లో 'ఇన్షా అల్లా' చిత్రాన్ని వచ్చే ఈద్కు తేవాలనుకున్నారు. కానీ అనివార్య కారణాల వల్ల వాయిదా వేశారు. ఈ పండుగకు తన చిత్రాన్ని కచ్చితంగా తీసుకొస్తాననిఅప్పుడే చెప్పిన ఈ హీరో.. ఇప్పుడు ఈ సినిమాను ప్రకటించాడు.
'దబాంగ్-3' రూపొందిస్తున్న ప్రభుదేవానే ఈ చిత్రానికీ దర్శకత్వం వహించబోతున్నాడు. సల్మాన్ఖాన్ ఫిల్మ్స్, రీల్ లైఫ్ ప్రొడక్షన్స్ సంయుక్తంగా నిర్మించనున్నాయి. ఇది సల్మాన్-ప్రభుదేవా కాంబినేషన్లో వస్తోన్న మూడో సినిమా కావడం విశేషం.