సుజీత్ దర్శకత్వంలో ప్రభాస్, శ్రద్ధాకపూర్ హీరోహీరోయిన్లుగా 'సాహో' సినిమా తెరకెక్కుతోంది. ప్రస్తుతం ఆస్ట్రియాలో చిత్రీకరణ జరుపుకొంటోంది. షూటింగ్‌ విరామ సమయంలో ప్రభాస్ లేడీ గ్యాంగ్‌ని వెంటేసుకొని షాపింగ్ చేస్తున్నాడు. ప్రభాస్- శ్రద్ధ ఫొటోలు ప్రస్తుతం నెట్టింట చక్కర్లు కొడుతున్నాయి.
ఇప్పటికే విడుదలైన ‘సాహో’ ట్రైలర్స్, టీజర్స్‌ సినిమాపై అంచనాలు పెంచేశాయి. యువీ క్రియేషన్స్‌ పతాకంపై భారీ బడ్జెట్లో యాక్షన్, ఎంటర్టైన్మెంట్గా నిర్మిస్తున్నారు. ఇందులో బాలీవుడ్‌కి చెందిన నీల్‌ నితిన్‌ ముఖేష్, జాకీ ష్రాఫ్, ఎల్విన్‌ శర్మ, చుంకీ, తమిళ నటుడు విజయ్‌ సేతుపతి ప్రధాన పాత్రల్లో నటిస్తున్నారు. ఆగస్టు 15న ఈ సినిమాను ప్రేక్షకుల ముందుకు తెచ్చేందుకు సన్నాహాలు చేస్తోంది చిత్రబృందం.