పవర్స్టార్ పవన్ కల్యాణ్, రానా కీలకపాత్రల్లో నటించిన 'భీమ్లా నాయక్' సంక్రాంతి రేసు నుంచి తప్పుకొంది. జనవరి 12న రిలీజ్ కావాల్సిన ఈ చిత్రం ఫిబ్రవరి 25కి వాయిదా పడింది. ఈ విషయాన్ని నిర్మాతల మండలి అధికారికంగా ప్రకటించింది.
"మూడేళ్ల క్రితమే 'ఆర్ఆర్ఆర్', 'రాధేశ్యామ్' షూటింగ్ ప్రారంభించుకున్నాయి. చాలా కాలంగా రిలీజ్ డేట్స్ వాయిదా పడుతూ వచ్చాయి. ఈ రెండూ పాన్ ఇండియా సినిమాలే. అందుకే 'భీమ్లా నాయక్' విడుదల తేదీని వాయిదా వేయాలని మాతో పాటు సంక్రాంతికి రిలీజ్ అవబోయే సినిమాల నిర్మాతలు పవన్ కల్యాణ్, దర్శకుడు త్రివిక్రమ్, చినబాబు, వంశీని కోరాం. వారు కూడా ఇందుకు ఒప్పుకొన్నందుకు ధన్యవాదాలు. 'భీమ్లా నాయక్' ఫిబ్రవరి 25న రిలీజ్ కానుంది. అందుకే 'ఎఫ్ 3' రిలీజ్ డేట్ ఏప్రిల్ 29కి మార్చాం. ఏప్రిల్ 14న 'కేజీఎఫ్ 2', ఏప్రిల్ 1న 'సర్కారు వారి పాట' విడుదలవుతాయి."
-నిర్మాతల మండలి