Thaman at Alitho Saradaga: ఇటీవలే వచ్చిన నందమూరి బాలకృష్ణ 'అఖండ'కు దద్దరిల్లే మ్యూజిక్ అందించి ప్రేక్షకుల మన్ననలు పొందారు సంగీత దర్శకుడు తమన్. సినిమాకు బ్యాక్గ్రౌండ్ మ్యూజిక్తో పెద్ద అసెట్గా నిలిచారు. దీంతో తమన్పై ప్రశంసల జల్లు కురుస్తోంది. సినిమాకు నప్పేలా, దర్శకుడు కోరిన విధంగా అద్భుతమైన సంగీతం అందించే తమన్.. ట్యూన్లు కాపీ చేస్తాడంటూ గతంలో ట్రోల్స్ వచ్చేవి. వీటిపై ఈటీవీలో ప్రసారమయ్యే 'ఆలీతో సరదాగా' షోలో స్పందించారు తమన్. మీమర్స్ కన్నా ఎక్కువగా తన తల్లే తనను ట్రోల్ చేస్తుందని చెప్పారు.
"ఇంట్లోనే నాపై బాగా ట్రోలింగ్ జరిగిపోతుంది. కాబట్టి బయట ట్రోలింగ్ను పెద్దగా పట్టించుకోను. మా అమ్మ అయితే.. ఏంట్రా ఆ పాట అంటూ.. పప్పులో ఉప్పు తక్కువగా వేయడం లాంటివి చేస్తుంది (నవ్వుతూ). ఆమెతో పోలిస్తే మీమర్స్ చేసే ట్రోలింగ్ తక్కువే."
- ఎస్ఎస్ తమన్, సంగీత దర్శకుడు
బాలీవుడ్లో అందుకే సెటిల్ అవ్వలేదు..
తాను ఆరో తరగతి వరకే చదువుకున్నట్లు చెప్పారు తమన్. బాలీవుడ్ సినిమాకు మ్యూజిక్ అంటే పెళ్లి ఒకరితో ఫస్ట్ నైట్ ఇంకొకరితో అన్నట్లు ఉంటుందని తెలిపారు. అందుకే అక్కడ సెటిల్ అవ్వలేకపోయినట్లు వివరించారు. ఇక తన బ్లడ్లో ఇళయరాజా వైరస్ ఎక్కువగా ఉందని చమత్కరించారు. వీటితో పాటు తన వ్యక్తిగత జీవితానికి సంబంధించిన ఆసక్తికర విశేషాలను పంచుకున్నారు తమన్. పూర్తి ఎపిసోడ్ డిసెంబర్ 27న ప్రసారం కానుంది.
- " class="align-text-top noRightClick twitterSection" data="">
వరుస సినిమాలతో..
తమన్ సంగీతం అందించిన 'భీమ్లా నాయక్' ఈ సంక్రాంతి కానుకగా విడుదలకు సిద్ధంగా ఉంది. ఇక సూపర్స్టార్ మహేశ్ బాబు నటించిన 'సర్కారు వారి పాట', వరుణ్ తేజ్ 'గని', అఖిల్ 'ఏజెంట్' సినిమాలకు తమనే మ్యూజిక్ డైరెక్టర్. శంకర్ దర్శకత్వంలో రామ్ చరణ్ నటిస్తున్న సినిమాకు కూడా తమన్ స్వరాలు అందిస్తున్నారు.
ఇదీ చూడండి:
'అఖండ' మ్యూజిక్.. సౌండ్ బాక్సులు పగిలిపోతాయి!
