వివాదాస్పద వ్యవసాయ చట్టాలను(farmer laws) రద్దు చేస్తున్నట్లు ప్రధాని నరేంద్ర మోదీ(pm modi news) శుక్రవారం చేసిన ప్రకటన దేశ ప్రజలను ఆశ్చర్యపర్చింది. ఈ నిర్ణయంపై రాజకీయ వర్గాలతో పాటు సినీరంగ ప్రముఖులు కూడా స్పందిస్తున్నారు. ఇది ప్రతి ఒక్కరి విజయమంటూ సోషల్ మీడియాలో హర్షం వ్యక్తం చేస్తున్నారు. ప్రముఖ నటి తాప్సీ పన్ను ఈ ప్రకటనను ఉద్దేశిస్తూ.. అందరికీ గురు నానక్‌ జయంతి సందర్భంగా శుభాకాంక్షలు తెలియజేశారు.
ఇదొక అద్భుతమైన విషయం! సాగు చట్టాలను వెనక్కి తీసుకున్నందుకు ప్రధాని నరేంద్ర మోదీ, కేంద్ర ప్రభుత్వానికి ధన్యవాదాలు. శాంతియుత నిరసనల ద్వారా తమ డిమాండ్లను పరిష్కరించుకొన్న అన్నదాతలకు అభినందనలు. ఈ ప్రకాశ్ దివస్‌ రోజున మీ కుటుంబాల చెంతకు సంతోషంగా తిరిగి వెళ్తారని ఆశిస్తున్నాను. -బాలీవుడ్ నటుడు సోనూసూద్‌(sonu sood news)
ఎన్నో ప్రాణాలు గాల్లో కలిశాయి. భారీ మూల్యం చెల్లించారు. చివరకు తమ డిమాండ్లను శాంతియుతంగా సాధించుకున్నందుకు గర్వపడుతున్నాను. జై కిసాన్.. జై హింద్‌. -శృతి సేథ్‌
మీరు గెలిచారు.. మీ విజయం అందరిది. -నటి రిచా చద్దా