Mahesh babu new movie: విడుదలకు కొన్ని నెలల ముందు నుంచే సినిమాల పాటలు సందడి చేయడం ఇటీవల ఓ ట్రెండ్‌గా మారింది. పాటలు ఎంత బలంగా ప్రేక్షకుల్లోకి వెళితే సినిమాపై అంతగా ఆసక్తి ఏర్పడుతుందని చిత్రవర్గాలు నమ్ముతున్నాయి. అందుకే నెలల ముందే హంగామా మొదలవుతోంది. ఈ క్రమంలోనే త్వరలో 'సర్కారు వారి పాట' సందడి కూడా షురూ కానుంది.
మహేశ్బాబు కథానాయకుడిగా పరశురామ్‌ దర్శకత్వంలో తీస్తున్న చిత్రమిది. కీర్తిసురేశ్ కథానాయిక. నవీన్‌ యెర్నేని, వై.రవిశంకర్‌, రామ్‌ ఆచంట, గోపీ ఆచంట నిర్మాతలు. ఈ సినిమాలోని తొలి పాటను ప్రేమికుల రోజున విడుదల చేయనున్నారు. ఆ విషయాన్ని బుధవారం ప్రకటించడం సహా పోస్టర్ రిలీజ్ చేశారు. ఈ సినిమాకు తమన్‌ స్వరాలు సమకూర్చుతున్నారు.