Raviteja Bollywood: మాస్ మహారాజా రవితేజ త్వరలోనే బాలీవుడ్లో అడుగుపెట్టనున్నాడు! ఆయన నటించిన తాజా చిత్రం 'ఖిలాడి' ఫిబ్రవరి 11న ప్రేక్షకుల ముందుకు రానుంది. ఈ చిత్రాన్ని హిందీలోనూ విడుదల చేసేందుకు సన్నాహాలు జరుగుతున్నట్లు సమాచారం.
రవితేజ గత సినిమాలు కొన్ని హిందీలో డబ్‌ అయి యూట్యూబ్‌లో విడుదలయ్యాయి. వాటికి బాలీవుడ్ ప్రేక్షకుల నుంచి విశేష స్పందన వచ్చింది. అలాగే, ఈ 'ఖిలాడి' చిత్రం మంచి యాక్షన్‌ ఎంటర్‌టైనర్‌ కావడం వల్ల బాలీవుడ్‌లోనూ విజయం సాధిస్తుందని భావిస్తున్నారు. అందుకే, పెన్‌ మూవీస్‌ సంస్థ ఈ చిత్రాన్ని హిందీ వెర్షన్‌లో థియేటర్లలో విడుదల చేయనున్నట్లు వార్తలు వినిపిస్తున్నాయి.
విభిన్నమైన క్రైమ్‌ థ్రిల్లర్‌ కథాంశంతో రూపొందుతోన్న ఈ సినిమాలో రవితేజ రెండు భిన్నమైన పాత్రలు పోషిస్తున్నారు. దీనికి రమేశ్‌వర్మ దర్శకత్వం వహిస్తుండగా.. కోనేరు సత్యనారాయణ నిర్మిస్తున్నారు. ఈ చిత్రంలో డింపుల్‌ హయతీ, మీనాక్షి చౌదరి, ఉన్ని ముకుందన్‌, అనసూయ భరద్వాజ్‌ తదితరులు కీలక పాత్రలు పోషిస్తున్నారు. ఈ చిత్రానికి దేవీశ్రీప్రసాద్‌ సంగీతం సమకూరుస్తున్నారు.
ఇదీ చూడండి: హీరో రవితేజ పుట్టినరోజున ఆరు సినిమాల అప్డేట్స్
