పతంగుల దుకాణంపై దాడులు.. చైనా మాంజా స్వాధీనం

పక్షులకు హాని చేసే చైనా మాంజాను మంగళహాట్ పోలీసులు స్వాధీనం చేసుకున్నారు. పతంగుల దుకాణం యజమాని​పై పోలీసులు కేసు నమోదు చేశారు. ప్రజలెవరూ ఈ మాంజాను కొనకూడదని సీఐ రణవీర్​రెడ్డి విజ్ఞప్తి చేశారు.

హైదరాబాద్ మంగళహాట్ ఆర్య సమాజ్ వద్ద పతంగుల దుకాణంపై ఎస్ఐ జగన్ ఆధ్వర్యంలో పోలీసులు దాడులు నిర్వహించారు. వారి వద్ద నుంచి నిషేధిత 59 చైనా మాంజాలను స్వాధీనం చేసుకున్నారు. అనంతరం పతంగుల దుకాణం యజమాని రాకేశ్​పై పోలీసులు కేసు నమోదు చేశారు.

చైనా మాంజా వల్ల పక్షులకు ప్రమాదమని.. ప్రభుత్వం రద్దు చేసింది. ప్రజలెవరూ వీటిని కొనకూడదని సీఐ రణవీర్​రెడ్డి కోరారు.

ఇదీ చూడండి: సబ్ రిజిస్ట్రార్ కార్యాలయం ఎదుట మహిళ ఆత్మహత్యాయత్నం