దేశంలో భారతీయ జనతా పార్టీ వ్యవహరిస్తున్న తీరుకు నిరసనగా రాజ్ భవన్ ఎదుట సోమవారం నిరసన ప్రదర్శన చేయనున్నట్లు పీసీసీ అధ్యక్షుడు ఉత్తమ్ కుమార్ రెడ్డి తెలిపారు. ఏఐసీసీ పిలుపు మేరకు ఈ నిరసన కార్యక్రమం చేపడుతున్నట్లు పేర్కొన్నారు. రాజస్థాన్‌ గవర్నర్‌ అనుసరిస్తున్న తీరుపై తీవ్ర అభ్యంతరం వ్యక్తం చేసిన ఏఐసీసీ ప్రధాన కార్యదర్శి కేసీ వేణుగోపాల్‌ అన్ని రాష్ట్రాల రాజ్‌భవన్‌ల వద్ద నిరసన కార్యక్రమాలకు పిలుపునిచ్చినట్లు ఉత్తమ్ తెలిపారు. రాజ్భవన్ వద్ద ఈరోజు ఉదయం 11 గంటలకు నిరసన కార్యక్రమం ఉన్నందున 10 గంటల లోపు ముఖ్య నాయకులంతా గాంధీభవన్ చేరుకోవాలని ఉత్తమ సూచించారు.కొవిడ్ నియమ నిబంధనలకు లోబడే నిరసన కార్యక్రమం ఉంటుందని స్పష్టం చేశారు.
పోలీస్ శాఖ ముందస్తు చర్యలు..