ବାତ୍ୟା 'ଜୱାଦ' ପ୍ରଭାବରେ ପାରାଦୀପ ବନ୍ଦରରେ ବନ୍ଦ ଥିବା ଜାହାଜ ଚଳାଚଳ ସ୍ବାଭାବିକ ହୋଇଛି । ଗଭୀର ସମୁଦ୍ର ମଧ୍ୟରେ ଅଟକି ରହିଥିବା ଜାହାଜ ଗୁଡିକ ମଙ୍ଗଳବାର ବନ୍ଦର ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ଅଧିକ ପଢନ୍ତୁ
ଜଗତସିଂହପୁର: ବାତ୍ୟା 'ଜୱାଦ' ପ୍ରଭାବରେ ପାରାଦୀପ ବନ୍ଦରରେ ବନ୍ଦ ଥିବା ଜାହାଜ ଚଳାଚଳ ସ୍ବାଭାବିକ ହୋଇଛି । ଗଭୀର ସମୁଦ୍ର ମଧ୍ୟରେ ଅଟକି ରହିଥିବା ଜାହାଜ ଗୁଡିକ ମଙ୍ଗଳବାର ବନ୍ଦର ଅଭିମୁଖେ ଯାତ୍ରା ଆରମ୍ଭ କରିଛନ୍ତି। ସେହିପରି ବନ୍ଦର ମଧ୍ୟରେ ଆଶ୍ରୟ ନେଇଥିବା ବାହାର ରାଜ୍ୟର ମାଛଧରା ଟ୍ରଲର ଗୁଡିକ ଆଜି ମଧ୍ୟ ସମୁଦ୍ର ମଧ୍ୟକୁ ଫେରିଯାଇ ଯାଇଛନ୍ତି । ଅନ୍ୟପଟେ ବନ୍ଦରର ପଣ୍ୟ ପରିବହନ ସ୍ବାଭାବିକ ହୋଇଛି ।
ଏହାମଧ୍ୟ ପଢନ୍ତୁ: Cyclone Jawad Effect: ଉଜୁଡିଲା ଫସଲ, ହତାଶ ଚାଷୀ
ଗତ 3 ତାରିଖ ଠାରୁ ପାରାଦୀପ ବନ୍ଦରକୁ ବିଦେଶରୁ ଆସୁଥିବା ଜାହାଜକୁ ବାରଣ କରାଯାଇଥିଲା । ସେହିପରି ବନ୍ଦର ମଧ୍ୟରେ ଅଟକି ରହିଥିବା ପଣ୍ୟବାହୀ ଜାହାଜ ଗୁଡିକୁ ଗଭୀର ସମୁଦ୍ରକୁ ପଠାଇ ଦିଆଯାଇଥିଲା । ବାତ୍ୟା ସ୍ଥିତି ସ୍ବାଭାବିକ ହେବାପରେ ପୁନର୍ବାର ବନ୍ଦର କାର୍ଯ୍ୟକ୍ଷମ ହୋଇଛି ।
ବାତ୍ୟା ଜୱାଦର ପ୍ରଭାବ ହେତୁ ଆନ୍ଧ୍ର ପ୍ରଦେଶର 700ଶହ ମାଛଧରା ଟ୍ରଲର ବନ୍ଦରରେ ଆଶ୍ରୟ ନେଇଥିଲେ । ଆଜି (ମଙ୍ଗଳବାର) ସେମାନେ ସମୁଦ୍ରକୁ ପୁନଃ ଫେରି ଯାଇଛନ୍ତି । ବାତ୍ୟା ପ୍ରଭାବରେ ପାରାଦୀପ ବନ୍ଦରର କୌଣସି କ୍ଷୟ କ୍ଷତି ହୋଇ ନଥିବା ବନ୍ଦର କତ୍ତୃପକ୍ଷ ସୂଚନା ଦେଇଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
