ମୁମ୍ବାଇ:ଲୋକପ୍ରିୟ ଟେଲିଭିଜନ ରିଆଲିଟି ଶୋ' ‘କୌନ୍ ବନେଗା କରୋଡପତି’ (Kaun Banega Crorepati) ଦର୍ଶକଙ୍କ ମଧ୍ୟରେ ବର୍ତ୍ତମାନ ପାଲଟିଛି ଚର୍ଚ୍ଚାର ବିଷୟ । କାରଣ ଏହାର 14ତମ ସଂସ୍କରଣକୁ ମିଳିଛି ଏହାର ପ୍ରଥମ କରୋଡପତି । ମହାରାଷ୍ଟ୍ର ଗାନ୍ଧୀନଗରର କବିତା ଚାଓ୍ବାଲା (Kavita Chawla first crorepati in KBC) ଚଳିତ ସିଜିନର ବନିଛନ୍ତି ପ୍ରଥମ କୋଟିପତି ।
ସବୁଠାରୁ ଆଶ୍ଚର୍ଯ୍ୟକର କଥା ହେଉଛି ଦିର୍ଘ ୨୨ ବର୍ଷର ପ୍ରଚେଷ୍ଟା ପରେ ସେ ଏହି ସଫଳତା ପାଇଛନ୍ତି । ଏହା ପୂର୍ବରୁ ୨୦୧୩ରରେ ସେ ଏହି ଶୋରେ ଅଂଶ ଗ୍ରହଣ କରି ଟପ ୧୦ ମଧ୍ୟରେ ରହିଥିଲେ, କିନ୍ତୁ କୋଟିପତି ହୋଇପାରିନଥିଲେ । କବିତା ଚାଓ୍ବାଲାଙ୍କ ଶିକ୍ଷାଗତା ଯୋଗ୍ୟତା ଯୁକ୍ତ ଦୁଇ ହୋଇଥିବାବେଳେ କୌନ୍ ବନେଗା କରୋଡପତି ଶୋ ଜିତିବା ତାଙ୍କର ଏକ ସ୍ବପ୍ନ ଥିଲା, କରୋଡପତି ହେବା ପରେ ସେ ବେଶ ଖୁସି ଅଛନ୍ତି ।
ଇଟିଭି ଭାରତଙ୍କୁ ଦେଇଥିବା ଏକ ସାକ୍ଷାତକାରରେ କବିତା ଚାଓ୍ବାଲା ୨୨ ବର୍ଷର ଯାତ୍ରା ଏବଂ ଆଗାମୀ ଭବିଷ୍ୟତ ଯୋଜନା ବିଷୟରେ ସେୟାର କରିଛନ୍ତି । ସେ କହିଛନ୍ତି ଯେ, "ଯେଉଁମାନେ ଚେଷ୍ଟା କରନ୍ତି ସେମାନେ କେବେ ବିଫଳ ହୁଅନ୍ତି ନାହିଁ, ତେଣୁ ସମସ୍ତେ ନିଜ ସ୍ବପ୍ନକୁ ପୂରଣ କରିବା ପାଇଁ କଛିନ ପରିଶ୍ରମ କରିବାକୁ ପଡିବ, ଆଉ ଦିନେ ଦିନେ ଏହା ସଫଳତାର ଶୀର୍ଷରେ ପହଞ୍ଚାଇବ, ମୁଁ ଜିତିଯିବା ଟଙ୍କା ମୋ ପୁଅର ପାଠପଢାରେ ଖର୍ଚ୍ଚ କରିବି ବୋଲି କହିଛନ୍ତି ଚାଓ୍ବାଲା ।"