हैदराबाद : ऊन, धूळ आणि मातीचा चेहऱ्यावर जास्त परिणाम होतो. अशा परिस्थितीत त्वचेची काळजी घेणं गरजेचं आहे. कॉफी हा असाच एक घरगुती पदार्थ आहे जो चेहऱ्यावर सहज वापरता येतो. कॉफीमध्ये जास्त प्रमाणात अँटी-ऑक्सिडंट्स असतात ते त्वचेला नुकसान करणारे मुक्त रॅडिकल्स काढून टाकतात. याशिवाय कॉफी चेहऱ्यावरील डाग काढून टाकण्यास मदत करते आणि त्वचा उजळ करते ज्यामुळे चेहऱ्यावर चमक दिसून येते. येथे जाणून घ्या चेहऱ्यावर कोणत्या प्रकारे कॉफीचा फेस पॅक लावता येईल.
असे बनवा ग्लोइंग स्किन साठी कॉफीचा फेस पॅक :
कॉफी आणि बेसन फेस पॅक : एक्ने आणि पिंपल्स दूर करण्यासाठी हा फेस पॅक खास तयार करून लावता येतो. हा फेस पॅक बनवण्यासाठी ३ चमचे कॉफी पावडर, एक चमचा बेसन, ३ चमचे मध आणि २ चमचे कोरफड जेल घ्या आणि मिक्स करा. मिक्स केल्यानंतर हा फेस पॅक 15 ते 20 मिनिटं चेहऱ्यावर लावा आणि नंतर धुवा. चेहऱ्यावर चमक येईल.
कॉफी आणि हळद फेस पॅक : अँटी-ऑक्सिडंट्स आणि अँटी-इंफ्लेमेटरी गुणधर्मांनी समृद्ध, हा फेस मास्क घरी तयार करणं आणि लागू करणं खूप सोपं आहे. एक चमचा कॉफी पावडरमध्ये दीड चमचा कच्चे दूध मिसळा. त्यात चिमूटभर हळद घाला आणि तुमचा फेस पॅक तयार करा. या फेस पॅकचा पातळ थर चेहऱ्यावर लावा आणि 10 ते 15 मिनिटं ठेवल्यानंतर थंड पाण्यानं चेहरा धुवा.
कॉफी आणि लिंबू फेस पॅक :व्हिटॅमिन सी असलेला हा फेस पॅक त्वचेला सूर्याच्या हानिकारक किरणांपासून वाचवतो. हा फेस पॅक लावल्यानं त्वचेला ओलावा येतो, त्वचेवरील काळे डाग दूर होतात आणि चेहरा चमकतो. लिंबाचा रस आणि कॉफी मिक्स करून फेस पॅक बनवण्यासाठी दोन्ही गोष्टी समान प्रमाणात मिसळा. हा फेस पॅक चेहरा आणि मानेवर लावल्यानंतर १५ ते २० मिनिटे ठेवा. नंतर तुमचा चेहरा थंड पाण्याने धुवा.
हेही वाचा :
- Fish Oil Benefits : फिश ऑइल आहे अनेक आजारांवर रामबाण उपाय; जाणून घ्या फायदे
- Healthy stomach : तुम्हालाही ठेवायचय नेहमी पोट निरोगी ? तर मग करू नका या चुका...
- Mood Swings During Periods : पीरियड्समध्ये अशा प्रकारे होतो मूड स्विंग, जाणून घ्या यामागची कारणं
