গুৱাহাটী, ৩ ডিচেম্বৰ : অসমীয়া ভ্রাম্যমাণ থিয়েটাৰৰ এজন নাট্যকাৰ তথা পৰিচালকৰ স্পৰ্ধাক লৈ ব্যাপক প্রতিক্রিয়াৰ সৃষ্টি হৈছে । ৰূপকোঁৱৰ জ্যোতিপ্ৰসাদ আগৰৱালাৰ কালজয়ী সৃষ্টিৰাজিকো চৰম অপমান কৰিবলৈ কুণ্ঠবোধ কৰা নাই ভ্রাম্যমাণ থিয়েটাৰৰ এইগৰাকী নাট্যকাৰে । তেওঁ হৈছে অভিজিৎ ভট্টাচার্য (Abhijit Bhattacharya in controversy)।
ৰূপকোঁৱৰ জ্যোতিপ্ৰসাদ আগৰৱালাৰ অমৰ সৃষ্টি 'লভিতা' নাটকখনৰ (Jyoti Prasad Agarwala's creation 'Lavita' drama) একে নামেৰে নিজৰ নামত অভিজিৎ ভট্টাচার্যই ২০২২-২৩ বৰ্ষৰ আৱাহন থিয়েটাৰৰ (Abahan Theatre 2022-23) বাবে নতুন ৰূপত ৰচনা কৰাক লৈ ক্ষুণ্ণ হৈ পৰিছে একাংশ নাট্যপ্রেমী (Playwright Abhijit Bhattacharya in controversy)। ৰূপকোঁৱৰৰ প্ৰতি কৰা এই স্পৰ্ধাক বিকৃত মানসিকতা বুলি অভিহিত কৰিছে ভ্রাম্যমাণ থিয়েটাৰ দর্শক ফ'ৰামে ।
নাট্যকাৰৰ স্পর্ধাকলৈ ব্যাপক প্ৰতিক্ৰিয়া এই সন্দৰ্ভত ভ্রাম্যমাণ থিয়েটাৰ দর্শক ফ'ৰামৰ সাধাৰণ সম্পাদক প্রণৱজ্যোতি বৰ্মনে তীব্ৰ প্ৰতিক্ৰিয়া প্ৰকাশ কৰি কয় যে, কোনো কাৰণতে এই কাৰ্য সহ্য কৰা নহ'ব । ৰূপকোঁৱৰ জ্যোতি প্ৰসাদ আগৰৱালাৰ সৃষ্টিক বিকৃত কৰিবলৈ দিব নোৱাৰি । মহান শিল্পীগৰকাৰীৰ অমৰ সৃষ্টি 'লভিতা' নাটকখনক শিল্পীগৰাকীৰ নামেৰে অনুৰূপ ধৰণে সংশ্লিষ্ট কৰ্তৃপক্ষৰ অনুমতি সাপেক্ষ্যে উপস্থাপন কৰাত কোনো আপত্তি নাই বুলি তেওঁ সদৰি কৰে ।
এই সন্দৰ্ভত সাংস্কৃতিক মন্ত্রীৰ লগতে সাংস্কৃতিক সঞ্চালকক স্মাৰক-পত্র প্রদান কৰি ৰূপকোঁৱৰৰ প্রতি কৰা অপমান তথা নাট্য ব্যৱসায়ৰ বিৰুদ্ধে ব্যৱস্থা গ্ৰহণৰ বাবে ফ'ৰামৰ তৰফৰ পৰা দাবী জনোৱা হৈছে (Memorandum to Cultural Department against Abhijit Bhattacharya) । তদুপৰি ৰূপকোঁৱৰৰ 'লভিতা'ৰ নামত কৰা আৱাহন থিয়েটাৰ আৰু অভিজিৎ ভট্টাচার্যৰ নাট্য ব্যৱসায়ৰ ক্ষেত্ৰত জ্যোতি ভাৰতীৰ হস্তক্ষেপৰ দাবী জনাইছে ফ'ৰামে ।
লগতে পঢ়ক :Bor Axom Samannya Award 2021: কথাশিল্পী ইমৰান শ্বাহক বৰ অসম সমন্বয় বঁটা প্ৰদান
