দলগাঁও, 4 নৱেম্বৰ : ওৰাং ৰাষ্ট্ৰীয় উদ্যান(Orang National Park)ত মৃত্যু হয় এটি ঢেকীয়াপতীয়া বাঘ(Bengal Tiger)ৰ ৷ মঙলবাৰে পুৱাৰ ভাগত ৰামকোং(Ramkong) বন শিবিৰৰ সমীপতে বাঘটো মৃত অৱস্থাত প্ৰত্যক্ষ কৰে উদ্যানখনৰ তহলদাৰীয়ে ৷ ইয়াৰ পাচতে খবৰ পাই উদ্যানখনত উপস্থিত হয় বন বিষয়া প্ৰদীপ্ত বৰুৱাৰ লগতে পশু চিকিৎসক, NTCA আৰু সাংবাদিকৰ এটা দল ।
মঙলবাৰে পুৱাৰ ভাগত ওৰাং ৰাষ্ট্ৰীয় উদ্যান(Orang National Park)ৰ ৰামকোং(Ramkong) বন শিবিৰৰ সমীপত মৃত অৱস্থাত উদ্ধাৰ হয় এটা ঢেকীয়াপতীয়া বাঘ(Bengal Tiger) ৷ 3 ফুট ওখ আৰু 5.3 ফুট দীঘল পূৰ্ণ বয়স্ক বাঘটো আন এটা বাঘৰ সৈতে হোৱা সংঘৰ্ষৰ ফলত মৃত্যু হোৱা বুলি নিশ্চিত কৰে ঘটনাস্থলীত উপস্থিত থকা পশু চিকিৎসকৰ দলটোৱে ৷
ঘটনাস্থলীত উপস্থিত হৈ ঢেকীয়াপতীয়াটোৰ মৃত্যু সন্দৰ্ভত অনুসন্ধান আৰম্ভ কৰে বিষয়া-কৰ্মচাৰীসকলে । অনুসন্ধানত 3 ফুট ওখ আৰু 5.3 ফুট দীঘল পূৰ্ণ বয়স্ক বাঘটো আন এটা বাঘৰ সৈতে হোৱা সংঘৰ্ষ ফলত মৃত্যু হোৱা বুলি নিশ্চিত কৰে পশু চিকিৎসকৰ দলটোৱে ।
মৃত বাঘটোৰ মৰণোত্তৰ পৰীক্ষা কৰি NTCAৰ নীতি-নিৰ্দেশনা অনুসৰি বাঘটোৰ অন্তিম সৎকাৰ কৰা হয় । উল্লেখ্য যে, মাত্ৰ 79.8 বৰ্গ কিল’মিটাৰ পৰিসীমাৰ ওৰাং ৰাষ্ট্ৰীয় উদ্যানত 32 টাকৈ ঢেকীয়াপতীয়া বাঘে বিচৰণ কৰি আছে ৷
লগতে পঢ়ক :হোজাই জিলাত ৫ নৱেম্বৰত স্থানীয় বন্ধ ঘোষণা