কলগাছিয়া, 19 মে' : কলগাছিয়াৰ লাংলাত সংঘটিত হৈছে এক শোকাৱহ ঘটনা ৷ বৰপেটা জিলাৰ কলগাছিয়াৰ লাংলাত বজ্ৰপাতৰ ফলত এজন যুৱকে মৃত্যুক সাৱটি লয় (One person died in lightning strike at Kalgachia) । মৃত যুৱকজনৰ বয়স 30 বছৰ বুলি জানিব পৰা গৈছে ।
কলগাছিয়াত বজ্ৰপাতত নিহত এজন যুৱক
জানিব পৰা মতে লাংলা গাঁৱৰ নিজাম উদ্দিনৰ পুত্ৰ পুত্ৰ মহিদুল ইছলামে ঘাঁহ কাটিবলৈ গৈছিল পথাৰত । হঠাৎ যুৱকজনৰ ওপৰত বজ্ৰপাত পৰে । পথাৰত পৰি থকা যুৱকজনক প্ৰত্যক্ষ কৰি স্থানীয় ৰাইজে ততাতৈয়াকৈ চেনীমাৰীস্থিত তিতাপানী ক্ষুদ্ৰ প্ৰাথমিক স্বাস্থ্য কেন্দ্ৰত ভৰ্তি কৰোৱা হয় কিন্তু যুৱকজনৰ উন্নত চিকিৎসাৰ বাবে চিকিৎসকে কলগাছিয়াস্থিত বৰপেটা অসামৰিক চিকিৎসালয়লৈ প্ৰেৰণ কৰে যদিও চিকিৎসকে অৱশেষত যুৱকজনক মৃত্যু বুলি ঘোষণা কৰে ।