স্পৰ্টছ ডেস্ক,২৭ আগষ্ট :পুনৰ এবাৰ দেশৰ নাম উজলাই তুলিবলৈ সক্ষম হ'ল অলিম্পিক চেম্পিয়ন নীৰজ চোপ্ৰা (Neeraj Chopra scripts another history)। এইবাৰ ডায়মণ্ড লীগ ২০২২ত (Lausanne Diamond League 2022) ইতিহাস ৰচনা কৰিলে নীৰজ চোপ্ৰাই । লাউচেন লীগৰ খিতাপ লাভ কৰা তেওঁ প্ৰথমগৰাকী ভাৰতীয় হিচাপে খ্যাতি অৰ্জন কৰিবলৈ সক্ষম হয় (Neeraj Chopra wins Lausanne Diamond League title)।
যোৱা মাহত বিশ্ব চেম্পিয়নশ্বিপৰ সময়ত ৰূপৰ পদক জয় কৰাৰ সময়ত হোৱা সামান্য আঘাতৰ বাবে বাৰ্মিংহাম কমনৱেলথ গেমছৰ পৰা আঁতৰি থাকিবলগীয়া হৈছিল যদিও ২৪ বছৰীয়া চোপ্ৰাই ডায়মণ্ড লীগত নিজৰ ষ্টাইলত প্ৰথম প্ৰচেষ্টাতে ৮৯.০৮ মিটাৰলৈ জেভলিন দলিয়াই খিতাপ অৰ্জন কৰে । ইয়াৰ লগে লগে ৭ আৰু ৮ ছেপ্টেম্বৰত জুৰিখত অনুষ্ঠিত হ'বলগীয়া ডায়মণ্ড লীগৰ ফাইনেললৈ অৱতীৰ্ণ হয় খেলুৱৈগৰাকী । কেৱল এয়াই নহয় তেওঁ হাংগেৰীৰ বুদাপেষ্টত অনুষ্ঠিত হ'বলগীয়া ২০২৩ চনৰ বিশ্ব চেম্পিয়নশ্বিপৰ বাবেও যোগ্যতা অৰ্জন কৰিবলৈ সক্ষম হয় (Chopra qualified for 2023 World Championships)।