নিউজ ডেস্ক, 15 নৱেম্বৰ: এম এছ ধোনী, যাক কোৱা হয় কেপ্টেইন ইন কুল (Captain in Cool) ৷ সমগ্ৰ বিশ্বৰ ক্ৰিকেট প্ৰেমী তথা গৰিষ্ঠ সংখ্যক ক্ৰিকেট তাৰকাই ইতিমধ্যেই এই কথা স্বীকাৰ কৰিছে যে, ষ্টাম্পৰ পিচত থাকে এখন খেল সলনি কৰি দিয়াতো কেৱল ধোনীৰ পক্ষেহে সম্ভৱ (MS Dhoni in BCCI) ৷ ইতিমধ্যে ক্ৰিকেটৰ পৰা অৱসৰ গ্ৰহণ কৰিছে এইগৰাকী ভাৰতীয় ক্ৰিকেটাৰে ৷ কিন্তু শেহতীয়াকৈ প্ৰকাশিত খবৰ মতে, পুনৰ আহি আছে ধোনী৷ অচিৰেই ভাৰতীয় ক্ৰিকেট দৰ সৈতে সংযুক্ত হ’ব মহেন্দ্ৰ সিং ধোনী (Mahendra Singh Dhoni) ৷
উল্লেখ্য যে, সদ্য সমাপ্ত T-20 বিশ্বকাপত আৰম্ভণিৰ পৰা সুন্দৰভাৱে খেলি ছেমি ফাইনেলত ভাৰতীয় দলটো পৰাস্ত হোৱা বিষয়টোক সহজভাৱে ল’ব পৰা নাই বিচিচিআয়ে (ICC T20 WC 2022) ৷ যাৰ বাবে দলটোত ব্যাপক পৰিৱৰ্তন ঘটোৱাৰ বাবে সাজু হৈছে ভাৰতীয় ক্ৰিকেট ব’ৰ্ড ৷ তাৰ পৰিপ্ৰেক্ষিততে ধোনী পুনৰ ভাৰতীয় দলৰ সৈতে সংযুক্ত হোৱাৰ সম্ভাৱনা প্ৰকট হৈছে ৷