গুৱাহাটী, ৩০ মাৰ্চ : ১ এপ্ৰিলত অন্ত পৰিব বিধানসভাৰ বাজেট অধিবেশন(Assam Assembly Budget Session 2022) । তাৰ মাজতে বৃহস্পতিবাৰে বিধানসভা সচিবালয়ত অনুষ্ঠিত হ’ব ৰাজ্যসভা নিৰ্বাচন(Rajya Sabha elections 2022) । গতিকে, ৰাজ্যসভাৰ নিৰ্বাচনৰ এদিন পূৰ্বে অৰ্থাৎ বুধবাৰৰ দিনটোতে একেলগে বিধানসভাত গৃহীত কৰা হয় ওঠৰখনকৈ বিধেয়ক(Assam Assembly passes 18 bills on Wednesday) । সদনত গৃহীত হোৱা বিধেয়কসমূহ হ'ল শিক্ষা, সংখ্যালঘু উন্নয়ন, নগৰ উন্নয়ন আৰু গৃহ নিৰ্মাণ, বিত্ত, সমাজ কল্যাণ, প্ৰশাসনিক সংস্কাৰ, পৰিবহণ, উদ্যোগ আৰু বাণিজ্যকে ধৰি কেইবাটাও বিভাগৰ ।
সদনত আজি দফাই দফাই আলোচনাৰ অন্তত গৃহীত হোৱা এই ওঠৰখন বিধেয়ক হ'ল ক্ৰমে দ্য আছাম ষ্টেট কমিছন ফৰ মাইন'ৰিটিজ সংশোধনী বিধেয়ক, দ্য আছাম ইণ্ডাষ্ট্ৰিয়েল ইনফ্ৰাষ্ট্ৰাকছাৰ ডেভেলপমেন্ট কৰ্প'ৰেছন সংশোধনী বিধেয়ক, দ্য আছাম টেক্সেছন লিকুইডিছন এণ্ড এৰিয়াৰ্চ সংশোধনী বিধেয়ক, দ্য আছাম ফিস্কেল ৰেস্পনচিবিলিটি এণ্ড বাজেট মেনেজমেণ্ট সংশোধনী বিধেয়ক, দ্য আছাম বৰ্ষ্টেল ইনষ্টিটিউচন ৰিপিলিং বিধেয়ক আৰু দ্য আছাম চিলড্ৰেন ৰিপিলিং বিধেয়ক ৷