'మమ్మల్ని వదిలివెళ్లొద్దు మాస్టారూ!' విద్యార్థులంతా ఒకటే ఏడుపు!!

By ETV Bharat Telugu Team

Published : Dec 21, 2023, 12:11 PM IST

Updated : Dec 21, 2023, 3:37 PM IST

thumbnail

Students Crying For Teacher Transfer Viral Video : తమకు ఇష్టమైన ఉపాధ్యాయుడు వేరే ఉద్యోగం వచ్చి వెళ్లిపోతుండటం వల్ల విద్యార్థులు భావోద్వేగానికి గురయ్యారు. శుభం చౌదరి అనే ఉపాధ్యాయునికి సప్లై ఇన్స్​స్పెక్టర్​గా ఉన్నత ఉద్యోగం వచ్చింది. ఈ సందర్భంగా ఆయనకు పాఠశాల యాజమాన్యం వీడ్కోలు పలికే కార్యక్రమంలో ఈ అరుదైన సంఘటన జరిగింది. ఈ వీడియో ప్రస్తుతం సోషల్ మీడియాలో వైరల్​గా మారింది. ఉత్తర్​ప్రదేశ్​లో ఈ ఘటన జరిగింది. 

ఏం జరిగిందంటే?
ఉన్నావ్​లోని చమియాని నివాసి శుభం చౌదరి. ఆయన 2019 లో విలేజ్ డెవలప్​మెంట్ ఆఫీసర్ కొలువుకు ఎంపికయినప్పటికీ ఉద్యోగంలో చేరలేదు. ఈ క్రమంలోనే టీచర్ ఉద్యోగానికి దరఖాస్తు చేసి అర్హత సాధించారు. అనంతరం టార్గావ్​ కాంపోజిట్ పాఠశాలలో ఉపాధ్యాయుడిగా ఉద్యోగం పొందారు. ఓ వైపు ఉద్యోగం చేస్తూ మరోవైపు ఉత్తర్​ప్రదేశ్ పబ్లిక్ సర్వీస్ పరీక్షలకు ప్రిపేర్​ అయ్యారు శుభం చౌదరి. ఎట్టకేలకు 2022 డిసెంబర్ 9న పీసీఎస్ లోవర్ పరీక్షలో ఆయన విజయం సాధించి సప్లై ఇన్స్​స్పెక్టర్​గా ఉద్యోగం సాధించారు. పాఠశాల నుంచి రిలీవ్​ అవుతున్న సందర్భంగా ఆయనకు వీడ్కోలు కార్యక్రమం నిర్వహించారు తోటి ఉపాధ్యాయులు. ఈ సందర్భంగా పాఠశాల విద్యార్థులు భావోద్వేగానికి గురయ్యారు. ఈ వీడియో ఇప్పుడు సోషల్ మీడియాలో వైరల్​గా మారింది. 

Last Updated : Dec 21, 2023, 3:37 PM IST

ABOUT THE AUTHOR

...view details

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.