ప్రజల సమస్యలను పరిష్కారించడానికే ప్రజాపాలన చేపట్టాం : సీతక్క

Seethakka In Prajapalana Program At Mulugu : ములుగు జిల్లా ములుగు మండలం బండారుపల్లి గ్రామంలో రాష్ట్ర ప్రభుత్వం చేపట్టిన ఆరు గ్యారెంటీలో ప్రజా పాలన కార్యక్రమంలో రాష్ట్ర పంచాయతీరాజ్, స్త్రీ శిశు సంక్షేమ శాఖ మంత్రి ధనసరి అనసూయ అలియాస్​ సీతక్క హాజరయ్యారు. రాష్ట్ర ప్రజల కోసం ప్రవేశపెట్టిన ఆరు పథకాలను ప్రజలు సద్వినియోగం చేసుకోవాలని మంత్రి అన్నారు. ప్రజలు ప్రజా ప్రతినిధులు అధికారుల వద్దకు రాకుండా వారే పల్లెలకు, గూడెంలకు వెళ్లి వారి సమస్యలను పరిష్కరించాలనే ఉద్దేశంతో ముఖ్యమంత్రి రేవంత్ రెడ్డి ఈ కార్యక్రమం ఏర్పాటు చేశారని మంత్రి సీతక్క అన్నారు.

Revanth Reddy Started Prajapalana Program : రేషన్ కార్డు లేని వారు కూడా మహాలక్ష్మి పథకానికి అర్హులవుతారని మంత్రి చెప్పారు. జనవరి 6తో ఈ కార్యక్రమం ముగిసిన, మళ్లీ నాలుగు నెలల తర్వాత కూడా ప్రజా పాలన కార్యక్రమం ఉంటుందని తెలిపారు. ఇప్పుడు లబ్ధి పొందని వారు అప్పుడు పొందవచ్చని మంత్రి సీతక్క తెలిపారు. ప్రజాపాలన అప్లికేషన్లు మున్సిపాలిటీ, గ్రామపంచాయతీలో ఇవ్వొచ్చని సీతక్క అన్నారు.