Naturopathy Day in Hayathnagar : 'ప్రకృతి వైద్యంతోనే.. మానవ మనుగడకు శ్రీరామరక్ష'

Naturopathy Day in Hayathnagar :  ప్రకృతికి, మనిషికి అవినాభావ సంబంధముందని.. ప్రకృతి వైద్యాన్ని పాటించినట్లయితే.. మానవులు సంపూర్ణ ఆరోగ్యవంతులుగా ఉండొచ్చని.. గాంధీ గ్లోబల్​ ఫ్యామిలీ సంస్థల చైర్మన్​ గున్న రాజేందర్​రెడ్డి పేర్కొన్నారు. నేడు నేషనల్​ నేచురోపతి డే (National Naturopathy Day)  సందర్భంగా.. హయత్​నగర్​లోని గాంధేయన్ బీఈడీ కళాశాలలో జాతీయ ప్రకృతి వైద్య ఆరోగ్య సమ్మేళన సన్నాహక సమావేశం సమావేశం నిర్వహించారు. 

ప్రకృతికి హాని చేయకుండా మనిషి జీవిస్తేనే.. మనుగడ ఉంటుందని పేర్కొన్నారు. ప్రకృతికి మనం ఏది ఇస్తే.. అది మనకు తిరిగి ఇస్తుందని పేర్కొన్నారు. ​ నవంబర్ 18, 19 తేదీల్లో హైదరాబాద్​లోని తెలుగు లలిత కళాతోరణంలో ప్రకృతి వైద్య సమ్మేళన సదస్సు.. నిర్వహించడం జరుగుతుందని తెలిపారు. ఈ కార్యక్రమానికి  ప్రకృతి ప్రేమికులు, ఆరోగ్య శ్రేయోభిలాషులు, స్వచ్ఛంద సంస్థలు, ప్రకృతి ఆశ్రమ నిర్వాహకులు, గాంధేయవాదులు పాల్గొని విజయవంతం చేయాలని కోరారు. అనంతరం డాక్టర్​ ఏపీజే అబ్దుల్​ కలాంకు నివాళులు అర్పించారు. అబ్దుల్ కలాం నిజమైన దేశభక్తుడని ఆయన జీవితాన్ని అందరూ ఆదర్శంగా తీసుకోవాలని సూచించారు.