రోడ్లపై నిలబడి రేవంత్​ రెడ్డి ప్రమాణ స్వీకారం వీక్షణం - భారీ ఎల్​ఈడీ స్క్రీన్​లలో

CM Revanth Reddy Oath Ceremony : హైదరాబాద్​లో ఎల్బీస్టేడియంలోని సీఎం రేవంత్​రెడ్డి ప్రమాణ స్వీకారానికి రాష్ట్ర నలుమూలాల నుంచి వేలాది మంది తరలిరావడంతో స్టేడియం పరిసరాలు కిటకిటలాడాయి. ఈ నేపథ్యంలో సీఎం ప్రమాణ స్వీకారాన్ని అందరూ వీక్షీంచేలా ఎల్​ఈడీ స్క్రీన్​లు ఏర్పాట్లు చేశారు. దీంతో స్టేడియంలోకి వెళ్లనివారు ప్రమాణ స్వీకారోత్సవాన్ని పెద్ద ఎత్తున ఎల్​ఈడీ స్క్రీన్​ ద్వారా తిలకించారు. ఈ క్రమంలోనే స్టేడియం చూట్టు పరిసరాల ప్రాంతాల్లో భారీగా ట్రాఫిక్​ స్తంభించింది.  

Heavy Traffic Jam at LB stadium : దీంతో స్టేడియం లోపలికి వెళ్లేందుకు ప్రముఖులు సైతం ఇబ్బందులు పడ్డారు. కర్ణాటక ఉప ముఖ్యమంత్రి డీకే శివ కుమార్​, మంత్రులు కోమటిరెడ్డి వెంకట్​రెడ్డి, కొండా సురేఖ సహా పలువురు ముఖ్యనాయకులు వారి వాహనం నుంచి దిగి స్టేడియానికి నడిచి వెళ్లారు. పెద్దఎత్తున తరలివచ్చిన కార్యకర్తలును సైతం పోలీసులు అదుపు చేయడానికి కష్టపడాల్సి వచ్చింది. ముందస్తుగానే అంచనా ప్రకారం అడుగడునా బారికేడ్లు ఏర్పాట్లు చేసిన కార్యకర్తలను నియంత్రించలేకపోయారు.